Kettir virða ekki lóðarmörk og valsa um hvar sem þeim sýnist. Fólki sem kærir sig ekkert um nærveru þeirra eru fáir kostir gefnir. Kattahland og kattarskítur er óþolandi fylgifiskur lausagöngu katta. Börnin okkar eiga ekki að eiga á hættu að leika sér með ormugan kattaskít í sandkössum, hvorki á leikskólum né heimafyrir. Einnig sækja kettir í að míga á óæskilegum stöðum, í barnavagna til dæmis. Úrgangurinn frá köttum er síður en svo betri en frá hundum.