Setja upp skilti til að minna aðra á tillitssemi við íbúa

Á fótboltavellinum við Árbæjarskóla spila menn fótbolta fram eftir nóttu, oft fullorðnir menn með miklum hávaða og öskrum, og oft yngra fólk með músíkina stillta hátt. Lögun skólahússins magnar upp öll hljóð þar. Margsinnis hafa íbúar (sumir með lítil börn) þurft að hringja á lögreglu til að fá einhvern svefnfrið. Hugmyndin er að þar sem etv er erfitt að loka vellinum þegar skóla lýkur á daginn þá verði sett verði upp skilti sem minnir á tillitssemi við þá sem búa á móti t.d eftir 10 á kvöldin.

Þetta á væntanlega við víðar í borginni. Tillitssemiskilti mættu því sjást víðar þar sem íbúðarhús eru við svona opin svæði þar sem fólk kemst í aðstöðu til leiks og tómstunda. Í þessu tilfelli myndar skólahúsið eins konar U eða trekt sem varpar öllu hljóði af vellinum í eina átt, yfir götuna á fjölbýlishús sem er innan við hundrað metra frá.