Ég held að það þurfi að skoða orsök þess að máfurinn sækir svona í Tjörnina og hvers vegna minna er af honum þegar álftirnar eru til staðar. Mér skilst að þegar ég var yngri og máfurinn varla sást við tjörnina þá hafi hann sótt í slor og annan úrgang frá matvælafyrirtækjum. Í dag sé hins vegar þannig gengið frá úrgangi matvælafyrirtækja að máfurinn komist ekki í hann.

Jú það er rétt þ.e. að það var lítill sem engin máfur á tjörninni hér áður fyrr. Persónulega held ég að þetta sé vegna skorts á sandsíli, það hefur verið talað mikið um það. Því fæ ég ekki séð að skoða orsökina skili neinu sérstökum upplýsingum.

Orsökin ætti a vera öllum ljós þ.e. þeir eru svangir.

Ég vil líka benda á að leið 19 sem þjónar Árbæjarhverfi um kvöld og helgar er venjulega og reyndar samkvæmt áætlun nýfarin framhjá Ártúni á leið uppí Árbæ þegar leið 6 og leið 15 koma þangað neðan úr bæ, sem þýðir þá að þú þarft að bíða þar í tæpan hálftíma eftir næsta vagni. Það væri mun hentugara að leið 5 sinnti Árbæjarhverfi um kvöld og helgar og væri samstillt leiðum 6 og 15 ef ekki kemur til greina að hafa bæði 19 og 5 í gangi í einu. Þótt ég búi sjálf á hentugum stað fyrir báðar leiðir þá hef ég veitt því eftirtekt hvað stoppistöðvar leiðar 19 eru fjarri íbúabyggð í neðri hluta hverfis en þar þurfa íbúar að fara upp að Árbæjarskóla, að Bæjarbraut eða niður í verksmiðjuhverfi nálægt Mjólkursamsölunni til að taka strætó um kvöld og helgar. Þjónustustig Strætó í Árbæ er mjög slakt.

Nákvæmlega, og ég tala nú ekki um að fólk sem býr t.d. í götum og nálægt götum þar sem leið 5 stoppar, það gæti þurft að labba dálitla leið til að taka strætó um kvöld og helgar.