Í fyrsta lagi: Það tekur náttúrulega enginn skítinn upp öðruvísi en með poka, þess vegna er það almenn skynsemi að vera með skítapoka. En það þýðir ekki að það sé eitthvað betra að stinga skítapokanum í vasann, frekar ósmekklegt. Það er ekkert að því að gera fólki það auðveldara að vera snyrtilegt, ég get ekki séð að það sé erfitt eða dýrt að setja upp nokkrar ruslafötur.

Það er líka smá galli að hafa strætóskýli úr gleri. Mér finnst líklegt að það fari smá peningur í viðhald á þeim þar sem ég hef séð þónokkrar rúður brotnar. Það væri vel hægt að gera vindheld skýli sem eru samt flott.

þetta er enginn galli. Eins og ég skil þetta þá gerði borgin samning við framleiðendur skýlana um að fá þau frítt og í staðinn hirðir fyrirtækið allar tekjur af auglýsingum. Það verður að sjást í auglýsingarnar :-)

Ég hef mikið farið um stíginn meðfram Sæbraut þar sem er einbreiður hjólastígur. Þar er mjög þung umferð, bæði töluvert af hjólandi fólki og af ferðamönnum í göngutúr. Yfirleitt gengur þetta smurt fyrir sig því fólk fer eftir hægri reglunni en ég hef lent í fólki sem vill ekki beygja hægra megin við mig út af stígnum og þá er stutt í slys. Það þarf einnig betri merkingar því bæði hjólandi og gangandi fólk á það til að vera á vitlausum stíg af ástæðulausu (sérstaklega ferðamenn).

Þar sem er ekki pláss fyrir umferð í báðar áttir virðast ekki allir átta sig á þessari reglu. Ég get a.m.k. ekki treyst því þegar ég hjóla að fólk víki til hægri, því sumir vilja bara ekki víkja.