Lagt er til að íbúar Vesturbæjar leggist á eitt með ríki og borg um móttöku fleiri flóttamanna. Vesturbæingar gætu skaffað húsnæði og hlúð að og aðstoðað fólk á flótta með öllu því sem þeir geta lagt til, sbr. átakið Kæra Eygló þar sem þúsundir brugðust við. Mörg dæmi eru um að hverfi hafi tekið sig saman í útlöndum um slík verkefni og lagt þannig sitt á vogarskálarnar. Íbúar gætu lagt til flest það sem þarf til að mögulegt verði að taka á móti fleira fólki á flótta til Íslands.
Fjöldi fólks býr við tragískar aðstæður og á Íslandi eigum við nóg af öllu. Það er með öllu ósanngjarnt og ómannúðlegt að íslensk stjórnvöld hreki úr landi allan þann fjölda fólks á flótta sem raun ber vitni á grundvelli úreltrar Dyflinarreglugerðar. Landamæri Íslands þurfa að galopnast, ekki haldast lokuð í krafti þess að við getum haft þau lokuð, verandi eyja í norðurhöfum. Heimurinn er á hreyfingu og við þurfum að hreyfast með.
This content is created by the open source Your Priorities citizen engagement platform designed by the non profit Citizens Foundation