Setja hraðahindrun í Hraunbergi til móts við Heilsugæsluna þar sem göngustígurinn liggur úr Hólahverfi. Einnig við Leikskólann Hraunborg þar sem göngustígurinn er.
Skipulagið í hverfinu, sem og annarsstaðar í borginni, gengur í flestum tilvikum út á það að greiða götu ökumanna bíla á kostnað mýkri umferðar. Þessi staður, gegnt heilsugæslunni er dæmi um það, þar sem hindrun er sett á göngustíg, en hröð bílaumferð látin óátalin. Það þarf að snúa þessu við. Setja hindrun fyrir bílaumferð svo gangandi komist leiðar sinnar óhult.
Hægja þarf á hraða bíla og mótorhjóla í Hraunbergi. Iðulega eru ökumenn að gefa vel í frá sjoppunni Hraunberg og inn að leikskólanum Hraunborg. Tvískipting vegarins í beygjunni við heilsugæsluna virðist vera vinsæl til að æfa hraðakstur í beygjum. Mikil umferð gangandi vegfarenda er á þeim stað, af fólki sem er á leið í Gerðuberg, á heilsugæslustöðina í Miðberg og aðra þjónustu á svæðinu. Eins er oft mikill hraði á umferð við leikskólann Hraunborg þar sem gatan beygir.
Ég er alveg sammála. Ég skil ekki afhverju það er ekki löngu búið að koma því í verk miða við hversu stórt þetta hverfi er. Það myndi einfalda mér hlutina mikið, þar sem ég er ekki á bíl.
This content is created by the open source Your Priorities citizen engagement platform designed by the non profit Citizens Foundation