Hvetja til klasasamstarfs í Vesturbænum með stofnfjármagni

Íbúar ættu að geta sótt sem mest af sínum daglegu þörfum innan göngufæris frá heimli í stað þess að þurfa að keyra bæjarenda á milli eftir smáhlutum. Þrátt fyrir þétta byggð í Vesturbænum hefur mikið af þjónustu færst í skemmur út á jaðri hverfisins. Klasasamstarf verslana, menningar, þjónustu- og smárekstraraðila gæti stuðlað að því að slík starsemi sem enn er innan hverfisins hrekist ekki í burtu og laðað nýja að. Borgin gæti aðstoðað með stofnfjárframlagi, ráðgjöf og fella niður gjöld.

Með því að hvetja til klasahugsunar í Vesturbænum þar sem leik- og grunnskólar, listaskólar, íþróttafélög, sundlaugar, menningarstofnanir, verslun og þjónusta taka höndum saman og stofna til verkefna má ekki aðeins bæta búsetuskilyrði heldur byggja upp spennandi og skapandi samfélag ungra sem aldna í hverfinu.