Lækka hámarkshraða í lönguhlíð sunnan miklubrautar í 30

Þetta á við um Lönguhlíð norðan Miklubrautar líka. Mikið af börnum eiga leið yfir þessa götu á leið í Háteigsskóla og Ísaksskóla.

Þarna ganga börn yfir á hverjum degi, koma til og frá Skóla og Valssvæðinu. Ég er skíthrædd um barnið mitt þegar það labbar heim af æfingu 3 x í viku, því ásamt því að fólk keyri hratt þarna þá fylgist það ekkert rosalega vel með! Og sólin getur blindað á þessum stað.

Það er löngu tímabært að lækka hámarkshraða í Lönguhlíð. Þetta er ekki bara í miðju ibúðahverfi heldur er fólk sem býr við götuna auk þess er hún er mikið notuð af börnum hverfisins til þess að ferðast til og frá skóla. Núverandi hámarkshraði var kannski skiljanlegur þegar gatan var tvær akreinar í hvora átt en eftir að við fengum hjólastíg í hverfið er engin ástæða fyrir því að vera með 50km hraða þarna.

Mér finnst að það ætti að lækka hámarkshraðann í Lönguhlíð allri og Nóatúni niður að Suðurlandsbraut líka. Svo má alveg velta því upp hvort það þurfi tvær akreinar nema rétt við Klambratún.

Styð þetta heilshugar en auðvitað á að lækka hraðann á götunni í heild sinni, ekki einungis öðru megin við miklubraut

Fagteymi sérfræðinga á umhverfis- og skipulagssviði hefur metið þessa hugmynd. Hugmyndin er ekki tæk í kosninguna í verkefninu Hverfið mitt 2019. Hugmyndinni verður komið áfram sem ábendingu til samgöngudeildar umhverfis- og skipulagssviðs Reykjavíkurborgar. Hér má sjá lista yfir þær hugmyndir sem verða til kosninga í verkefninu Hverfið mitt þann 31. október - 14. nóvember nk. www.hverfidmitt.is Í kosningunni getur þú stjörnumerkt þína uppáhalds hugmynd og gefið henni þannig tvöfalt vægi!