Hvað viltu láta gera? Setja hraðahindrun og göngubraut á Rauðarárstíg, skömmu eftir að beygt er af Miklubraut, ca. við Guðrúnargötu 10. Hvers vegna viltu láta gera það? Hámarkshraði er 30 km/klst en hraðakstur er regla frekar en undantekning, sem er óskynsamlegt m.t.t. umferðar gangandi vegfarenda yfir Rauðarárstíg. Það er hraðahindrun þar sem Rauðarárstígur hefst og við Hrefnugötu 10, en það virðist ekki duga til að hægja á umferðinni.
Fagteymi sérfræðinga á umhverfis- og skipulagssviði hefur metið þessa hugmynd. Hugmyndin var metin tæk til kosningar í verkefninu Hverfið mitt 2019. Einungis er hægt að stilla 25 tækum hugmyndum upp til kosninga á hverju ári. Haldin voru opin hús í hverfum borgarinnar í samstarfi við þjónustumiðstöðvar borgarinnar þar sem íbúar fengu að stilla upp kjörseðli með því að veita allt að 25 hugmyndum atkvæði sitt. Þessi hugmynd rataði því miður ekki í uppstillingu þetta árið. Hugmyndir er falla innan verkefna og valdheimilda Reykjavíkurborgar verður komið áfram sem ábendingu til viðeigandi deilda innan stjórnsýslu borgarinnar. Hér má sjá lista yfir þær hugmyndir sem verða til kosninga í verkefninu Hverfið mitt þann 31. október - 14. nóvember nk. www.hverfidmitt.is Í kosningunni getur þú stjörnumerkt þína uppáhalds hugmynd og gefið henni þannig tvöfalt vægi!
This content is created by the open source Your Priorities citizen engagement platform designed by the non profit Citizens Foundation