Hvað viltu láta gera? Endurhanna Hamrahlíðina til að lækka umferðahraða og minnka umferð. T.d. mætti hlykkja götuna, gera ásýnd hennar grænni og bæta sýnileika á gangbrautum og hraðahindrunum. Hvers vegna viltu láta gera það? Umferð um Hamrahlíðina er þung, sér í lagi á morgnanna (til vesturs og síðdegis til austurs). Ástæðan er fyrst og fremst það mikla umferðarálag á gatnamótum Kringlumýrarbrautar og Miklubrautar. Margir bílstjórar láta freistast til að stytta sér leið í gegnum Hlíðarnar til að losna við það álag. Lagt er til að endurhanna götumynd Hamrahlíðar með það að markmiði að draga úr umferð og umferðarhraða.
Fagteymi sérfræðinga á umhverfis- og skipulagssviði hefur metið þessa hugmynd. Hugmyndin er ekki tæk í kosningu í verkefninu Hverfið mitt 2018 þar sem verkefnið sem um ræðir í hugmyndinni er í öðru ferli innan borgarkerfisins og því ekki hægt að kjósa um það að svo stöddu. Hugmyndinni verður vísað sem ábendingu inn í það ferli. Hér má sjá lista yfir þær hugmyndir sem verða til kosninga í verkefninu Hverfið mitt þann 31. október - 14. nóvember nk. www.hverfidmitt.is Í kosningunni getur þú stjörnumerkt þína uppáhalds hugmynd og gefið henni þannig tvöfalt vægi!
This content is created by the open source Your Priorities citizen engagement platform designed by the non profit Citizens Foundation