Hvað viltu láta gera? Gróðursetja mikið af trjám og fallegum gróðri í brekkuna við bryggjuhverfið. Skipuleggja og leggja göngustíga og setja bekki. Hvers vegna viltu láta gera það? Gróður myndi virkilega fegra brekkuna. Með því að setja niður bekki og stíga í brekkuna gæti það bætt aðgengi að hverfinu og stað til þess að njóta útsýnisins yfir voginn.
Bryggjuhverfið tilheyrir Árbæ og réttara að þessi hugmynd fari þangað inn
Að auki myndi trjágróður virka sem hljóðmön og skjól, sérstaklega í austan/suðaustanátt sem er ríkjandi í hverfinu.
Þetta myndi fegra mikið sem væri ánægjulegt þegar keyrt er framhjá og svo væri gaman að geta labbað þarna innan um gróður.
Þetta myndi fegra hverfið mikið, draga úr umferðarhávaða. Ekki síst myndi þetta stytta gönguleið upp á Höfðann (og niður af honum auðvitað líka).
Fagteymi sérfræðinga á umhverfis- og skipulagssviði hefur metið þessa hugmynd. Hugmyndin var metin tæk til kosningar í verkefninu Hverfið mitt 2019. Einungis er hægt að stilla 25 tækum hugmyndum upp til kosninga á hverju ári. Haldin voru opin hús í hverfum borgarinnar í samstarfi við þjónustumiðstöðvar borgarinnar þar sem íbúar fengu að stilla upp kjörseðli með því að veita allt að 25 hugmyndum atkvæði sitt. Þessi hugmynd rataði því miður ekki í uppstillingu þetta árið. Hugmyndir er falla innan verkefna og valdheimilda Reykjavíkurborgar verður komið áfram sem ábendingu til viðeigandi deilda innan stjórnsýslu borgarinnar. Hér má sjá lista yfir þær hugmyndir sem verða til kosninga í verkefninu Hverfið mitt þann 31. október - 14. nóvember nk. www.hverfidmitt.is Í kosningunni getur þú stjörnumerkt þína uppáhalds hugmynd og gefið henni þannig tvöfalt vægi!
This content is created by the open source Your Priorities citizen engagement platform designed by the non profit Citizens Foundation