Hvað viltu láta gera? Á sama hátt og er gert á horni Hamrahlíðar og Stigahlíðar þar sem hraðahindranir koma í L á horninu og koma þannig í veg fyrir að hægt sé að fara hratt í beygjuna, vil ég láta bæta við hraðahindrun yfir Bogahlíð við horn Bogahlíðar og Hamrahlíðar. Það er núna hraðahindrun yfir Hamrahlíðina þarna við hornið og því þarf einungis að bæta við Bogahlíðarhlutanum. Hvers vegna viltu láta gera það? Fyrir börn sem búa austan Bogahlíðar og norðan Hamrahlíðar þá er hættulegasta hornið á leið í skólann hornið á Bogahlíð og Hamrahlíð. Það kemur oft fyrir að bílar koma eftir Hamrahlíðinni og beygja of hratt inn í Bogahlíðina. Þá sjá þeir mjög illa börn sem eru að ganga yfir Bogahlíðina þarna á horninu á leið í eða úr skóla.
Fagteymi sérfræðinga á umhverfis- og skipulagssviði hefur metið þessa hugmynd. Hugmyndin var metin tæk til kosningar í verkefninu Hverfið mitt 2019. Einungis er hægt að stilla 25 tækum hugmyndum upp til kosninga á hverju ári. Haldin voru opin hús í hverfum borgarinnar í samstarfi við þjónustumiðstöðvar borgarinnar þar sem íbúar fengu að stilla upp kjörseðli með því að veita allt að 25 hugmyndum atkvæði sitt. Þessi hugmynd rataði því miður ekki í uppstillingu þetta árið. Hugmyndir er falla innan verkefna og valdheimilda Reykjavíkurborgar verður komið áfram sem ábendingu til viðeigandi deilda innan stjórnsýslu borgarinnar. Hér má sjá lista yfir þær hugmyndir sem verða til kosninga í verkefninu Hverfið mitt þann 31. október - 14. nóvember nk. www.hverfidmitt.is Í kosningunni getur þú stjörnumerkt þína uppáhalds hugmynd og gefið henni þannig tvöfalt vægi!
Takk fyrir upplýsingarnar. Ég treysti því að þetta verði tekið til frekari skoðunar í borgarkerfinu. Þarna er mikil umferð skólabarna og umtalsverð bílaumferð úr þremur áttum.
This content is created by the open source Your Priorities citizen engagement platform designed by the non profit Citizens Foundation