Gangandi vegfarendur frá biðstöðvum Strætó beggja vegna Miklubrautar (m.a. nemendur MH í stórum stíl) þurfa oft að ganga yfir grasið yfir í Stigahlíð. Þar treðst það smám saman niður og drullusvað myndast. Ef vel ætti að vera, þyrftu að koma 2 göngustígar milli gangstéttar meðfram Miklubraut yfir í Stigahlíð á móts við nr 2-4 og annar við nr 6, þar sem ein gönguleið liggur frá biðstöð Strætó sunnan megin og önnur gönguleið frá gangbrautarljósunum, því fólk gengur stystu leið yfir í Stigahlíð.
Þessa leið ganga mjög margir á hverjum degi, sérstaklega á þeim árstíma þegar skólar starfa. Í breytu getur myndast þarna drulla, sem fólk þarf að vaða í og í snjó þarf að vaða snjóinn í hné í stað þess að ganga eftir göngustíg sem væri trúlega ruddur .
Þessi göngustígur var meðal þeirra verkefna sem náðu kosningu vorið 2015 og hann var svo lagður í nóvember 2015. Göngustígurinn hefur vissulega sannað gildi sitt.
This content is created by the open source Your Priorities citizen engagement platform designed by the non profit Citizens Foundation