Skiltið sem sýnir að botnlangi eða blindgata taki við þegar beygt er af hringtorgi inn á Grænastekk (þegar keyrt er fram hjá Garðheimum) er á röngum stað. Bílstjórar taka eftir því of seint. Fólk ruglast á þessu á degi hverjum sem skapar hættu fyrir börnin í hverfinu. Síðast í gær kom strætisvagn.
Skiltið þyrfti frekar að vera staðsett á litlu eyjunni milli akreina í byrjun Grænastekks, þar sem bláa örin er (hægt væri að setja á sama skilti). Bílstjórar taka ekki eftir því fyrr en of seint og halda að þeir séu að keyra inn Stekkjarbakkann. Hingað upp brekkuna keyra bílar af öllum stærðum og gerðum, einnig flutningabílar, rútur, steypubílar og strætisvagnar. Þeir snúa þá við einhvers staðar í hverfinu sem skapar aukna mengun, hávaða og hættu fyrir börn og fólk á leið í Elliðarárdalinn.
This content is created by the open source Your Priorities citizen engagement platform designed by the non profit Citizens Foundation