Vegna nálægðar við barnaskóla og leikskóla í Öskjuhlíð þyrfti nauðsynlega að setja upp einhverskonar hraðahamlandi úrræði sitt hvoru megin við þann örstutta kafla hjólastígsins sem liggur meðfram skólahúsunum og skapar töluverða slysahættu. Sérstaklega með fjölgun rafmagnsvespa um stíginn. Þetta gætu til að mynda verið álrið, sem krefðust þess að beygt væri í "S" til að komast á milli þeirra, eða þrenging stígsins með stóru grjóti. Skilti sem minnir á börn að leik, væri einnig óvitlaust.
Það þarf ekki nema 30 km hraða á hjóli til að valda miklum skaða á líkama barns. Sjónsvið barna á barnaskólaaldri er mun þrengra en fullorðinna og því hafa þau ekki sömu færni og fullorðnir til bregðast við hættum í umhverfi sínum. Það er ekki sanngjarnt að setja hjólreiðafólk í þá stöðu að auka hættuna á slysi. Það er sanngjarnt að upplýsingar í umhverfi okkar gefi okkur færi á að bregðast rétt við í umferðinni. Þetta er gott dæmu um að fyrirhyggja er góð forvörn gegn slysum.
Börn að leik gleyma sér og gá ekki að sér þegar þau hlaupa yfir stíginn. Skógarþykknið gerir hjólreiðafóllki erfitt um vik að sjá börnin fyrr en þau hlaupa út á stíginn. Hjólin eru hraðskreið og hjólreiðafólka oftar en ekki með tónlist í eyrunum og á ekki von á börnum nema það sé sérstaklega merkt. Það er nauðsýnlegt að merkja stíginn þannig að þar séu börn að leik og að setja upp hraðatakmörkun eða þrengingu. Þarna er yfirvofandi slysahætta og skylda samfélagsins að vernda þessi grunnskólabörn.
Hjólastígur um Öskjuhlíð liggur mjög nærri skólalóð Barnaskólans í Reykjavík, í Öskjuhlíð. Þar er oft á tíðum mikil umferð hjólreiðafólks, sem er vel, en fjöldi ungra skóla- og leikskólabarna á svæðinu er mikill og þau nýta Öskjuhlíðina umtalsvert til útivistar. Því hefur gífurlega hár ferðahraði hjólreiðafólks valdið talsverðri slysahættu og stofnað öryggi þessara barna ítrekað í hættu. Sér í lagi þar sem einnig ber talsvert á því að farið sé um hjólreiðastíginn á rafmagnsvespum o.þ.h. tækjum.
Það er um að gera að reyna að hægja á umferðinni þarna, en alls ekki með því að setja grindur á stíginn eða við hlið hans, með því væri einfaldlega verið að skapa enn meiri slysahættu. Best væri að nota einhvers konar merkingar.
This content is created by the open source Your Priorities citizen engagement platform designed by the non profit Citizens Foundation