Lýsa upp gönguleið skólabarna við Langholtsskóla

Milli torgsins á horni Langholtsvegar og Álfheima og verslunarkjarnans við Álfheima er hægt að aka niður á bílastæði bakvið húsið. Þessa sömuleið ganga skólabörn á leið í Langholtsskóla (og fleiri). Engin lýsing er þarna svo þeir sem eru gangandi hvorki sjá vel til né sjást vel (séu þeir ekki með þeim mun meira af endurskynsmerkjum). Að sjá til þess að þessi leið sé upplýst ætti að vera hluti af því að tryggja öryggi skólabarna á leið til og frá skóla.