Lagfæra körfuboltavöllinn við Fossvogsveg

Þetta er frábært leikjasvæði á fallegum stað sem enginn getur notað lengur. Fyrir ca 4 árum var sett ca 1m girðing við völlinn þar sem vegurinn er, en hún dugir ekki, því þetta er körfuboltavöllur en ekki sparkvöllur. Boltar þurfa að fá að fljúga hátt á slíkum velli. Há girðing kemur í veg fyrir að boltar skoppi út á götuna... og ærslafullir unglingar og börn æði á eftir, með tilheyrandi hættu.

Þegar NBA-æðið stóð sem hæst um miðjan tíunda áratuginn þá komu bestu street-ball-spilarar borgarinnar á hverju kvöldi á þennan völl. Það var því nóg um að vera þarna og körfuboltaveisla í boði fyrir áhorfendur jafnt sem leikmenn. Upphefjum þennan gimstein aftur til fyrri stöðu og gerum vel með þennan völl. Hugsanlega þyrfti að athuga með einhver bílastæði þarna í nágrenninu þar sem margir hafa oftast lagt upp á gangstéttina hinum megin við götuna þegar þeir mæta og spila.

Á fundi með þáverandi borgarstjóra, fyrir nokkrum árum, var tillaga mín um að sett yrði upp girðing við körfuboltavöllinn til varnar að bolti skoppaði á götuna og börn myndu síðan hlaupa á eftir boltanum, samþykkt sem sérstakt forgangsverkefni. Síðar sama sumar var síðan girðing sett upp, rúmlega 1 meters há!!! Slík girðing við körfuboltavöll er bara sýndarmennska, því hún er langt frá því azð þjóna tilgangi sínum. Ég hafði margoft samband við hinar ýmsu skrifstofur í borgarkerfinu, sem og borgarstarfsmenn, en það skilaði engu. Þeir skildu ekki sjálfir tilgang girðingarinnar og hvað þá ábendinguna.

Frábært ef hægt væri að framkvæma. Mig langaði til að benda á körfuboltavöll sem er ekki langt frá, á græna svæðinu milli Giljalands og Geitlands (eða Giljalands). Engir bílar nálægt og því algjört næði og öryggi. Gaman væri að sjá annan hvorn þessara valla í spilanlegu ástandi.