Hraðahindranir í Lönguhlíð

Umferðin getur orðið ansi hröð í Lönguhlíð og mikið af gangandi/hjólandi vegfarendum á ferli, þ. á m. mörg börn á leið í og úr skóla. Ef hægt er að hægja á bílaumferð í gegnum hverfið stuðlar það að auknu öryggi fyrir alla; ekki síst gangandi og hjólandi vegfarendur.

Gatan er í miðju íbúðahverfi og börn beggja megin Lönguhlíðarinnar sækja sama skóla. Það væri til að bæta öryggi gangandi og hjólandi vegfarenda að lækka hámarkshraðan í Lönguhlíðinni niður í 30km/h ásamt því að setja hraðahindranir á götuna. Það er ekki sjaldgæf sjón að sjá börn og aðra gangandi vegfarendur bíða við götuna eftir að þeim sé hleypt yfir á meðan hver bíllinn á fætur öðrum fer framhjá (allt of hratt).

Að gera götuna öruggari fyrir gangandi vegfarendur er verðugt markmið en er ekki ódýrara og einfaldara að byrja á að gera bara gangbraut? Það verður að hafa í huga að núna er engin gangbraut þarna, alltént auðsjáanleg máluð gangbraut, að undanskildum gönguljósunum hjá Blönduhlíð. Byrjum á að mála og merkja gangbrautir hjá Drápuhlíð, Mávahlíð og Barmahlíð sjáum hvort gangandi vegfarendum finnst þá þægilegra að komast yfir götuna.