Hvað viltu láta gera? Fá umferðarljós eða það sem betra er hringtorg við gatnamótin á Hallsvegi og Víkurvegi. Hvers vegna viltu láta gera það? Það getur verið erfitt, leiðinlegt og jafnvel hættulegt að beygja til vinstri á þessum gatnamótum hvort sem maður er aðð beygja inn eða út Hallsveg.
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Fagteymi sérfræðinga verkefnisins hefur lokið við yfirferð hugmynda. Hugmyndin þín er ekki tæk* til kosningar í verkefninu Hverfið mitt 2020 - 2021. Um er að ræða þjóðveg í þéttbýli og breytingar því á forræði Vegagerðarinnar sem er veghaldari þjóðvega. Vegagerðin og Reykjavíkurborg eiga farsælt samstarf um úrbætur á þjóðvegum og verður tillögunni komið áfram til Vegagerðarinnar og skrifstofu samgöngustjóra og borgarhönnunar. Næsta skref í verkefninu er að velja þær hugmyndir sem eiga að fara á kjörseðilinn í hverju hverfi. Þetta skref fer fram á opnum aukafundum íbúaráða sem verður streymt á Facebook. Allir geta tekið þátt í þessum fundum. Þeir sem fylgjast með útsendingunni geta tekið þátt í uppstillingunni. Gaman væri að þú tækir þátt í því að vekja athygli á fundinum þegar hann verður í þínu hverfi sem og kosningunni þegar þar að kemur. Dagsetningar fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson [email protected]
Nú þegar ég hef lent í ágætis árekstri á þessum kafla gæti ég ekki verið meira sammála þessari hugmynd. Ökumenn eiga oft erfitt með að beygja til vinstri á þessum gatnamótum og taka því óþarfa sénsa sem geta leitt, og hafa í mínu tilfelli, leitt til áreksturs.
Árna þarf ekki að setja ein ljósin í viðbót, þau eru tvö nú þegar, hringtorg væri skynsamlegra
This content is created by the open source Your Priorities citizen engagement platform designed by the non profit Citizens Foundation