Hvað viltu láta gera? Setja undirgöng eða betri göngu aðgengi fyrir börn sem þurfa að fara yfir Snorrabraut fyrir neðan Austurbæjarskóla. Hvers vegna viltu láta gera það? Mörg börn í Austurbæjarskóla búa í norður mýrinni og þurfa að fara yfir Snorrabrautina á hverjum degi, þetta er umferðarmikil gata og hafa því miður orðið þar alvarleg slys. Einnig mundi þetta auðvelda aðgengi fyrir börn sem búa Austurbæjarskóla megin við Snorrabraut að komast yfir í Norður Mýrina og að leika á Klambratúni.
Óþarfa bákn og meðvirkni með hraðakstri - það væri mun meiri ávinningur fyrir alla að lækka umferðarhraða niður í 30 km/klst. og þrengja götuna hressilega. Gangandi eiga betra skilið en að vera leiddir ofan í holur.
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Fagteymi sérfræðinga verkefnisins hefur lokið við yfirferð hugmynda. Hugmyndin þín er ekki tæk* til kosningar í verkefninu Hverfið mitt 2020 - 2021. Skipulagsferill þessar hugmyndar væri of langur fyrir tímaramma verkefnisins eða hugmyndin samræmist ekki gildandi skipulagi á svæðinu. Hugmyndinni þinni verður komið áfram sem ábendingu til viðkomandi sviðs innan borgarinnar. Næsta skref í verkefninu er að velja þær hugmyndir sem eiga að fara á kjörseðilinn í hverju hverfi. Þetta skref fer fram á opnum aukafundum íbúaráða sem verður streymt á Facebook. Allir geta tekið þátt í þessum fundum. Þeir sem fylgjast með útsendingunni geta tekið þátt í uppstillingunni. Gaman væri að þú tækir þátt í því að vekja athygli á fundinum þegar hann verður í þínu hverfi sem og kosningunni þegar þar að kemur. Dagsetningar fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson [email protected]
This content is created by the open source Your Priorities citizen engagement platform designed by the non profit Citizens Foundation