Hvað viltu láta gera? Endurnýja göngustíga í Fossvogsdal og á ég við þá göngustíga sem liggja meðfram húsunum í dalnum. Ekki bara þá sem liggja neðst í dalnum heldur einnig þá sem liggja á milli Bústaðarvegar og dalsbotninn. Hvers vegna viltu láta gera það? Göngustígarnir eru orðnir mjög lélegir og hreinlega mjög hættulegir. Um þessa stíga er stöðugur straumur barna og unglinga á leið til og frá skóla. Þessi hópur hefur farið verulega stækkandi undanfarin ár vegna breytingar á aldurssamsetningu íbúa í dalnum. Auk þess er þetta mjög vinsælt útivistasvæði fyrir borgarbúa vegna veðurblíðu, ekki síst í norðanáttinni.
Nauðsynlegt er að endurnýja marga stíga í hverfinu. Nefni sem dæmi stíg sem liggur í suður frá Brúnalandi 21 að göngustíg í dalnum. Einnig stubbur frá Brautarlandi 21 til suðurs. Þá má vekja athygli á því að stígur norðan við Grundarland, sem liggur vestur/austur að Hörgslandi, og var endurgerður fyrir fáum árum, er víða illa farinn eftir stórar vinnuvélar sem óku þarna um í sumar vegna framkvæmda á svæðinu á vegum Veitna.
Tveir stígar a.m.k. frá Dalalandi og niður í dalinn eru hrein hörmung og hættulegar tröppur á leiðinni.
Mikil þórf á að endurnýja þessa göngustíg. Tek heilshugar undir með öllum sem hafa tjáð sig. 😀
Stígurinn milli Dalalands 12 og 14 er stórhættulegur, nauðsynlegt að endurnýja hann og fleiri stíga í Fossvogi
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Fagteymi sérfræðinga verkefnisins hefur lokið við yfirferð hugmynda. Hugmyndin þín er ekki tæk* til kosningar í verkefninu Hverfið mitt 2020 - 2021 þar sem hún flokkast sem viðhalds- eða öryggisverkefni. Hugmyndinni verður komið áfram sem ábendingu til viðkomandi sviðs innan borgarinnar. Viðhalds- og öryggisverkefni eru ekki lengur hluti af lýðræðisverkefninu Hverfið mitt. Réttur farvegur fyrir slíkar hugmyndir eru á vefnum: https://abendingar.reykjavik.is/. Næsta skref í verkefninu er að velja þær hugmyndir sem eiga að fara á kjörseðilinn í hverju hverfi. Þetta skref fer fram á opnum aukafundum íbúaráða sem verður streymt á Facebook. Allir geta tekið þátt í þessum fundum. Þeir sem fylgjast með útsendingunni geta tekið þátt í uppstillingunni. Gaman væri að þú tækir þátt í því að vekja athygli á fundinum þegar hann verður í þínu hverfi sem og kosningunni þegar þar að kemur. Dagsetningar fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson [email protected]
This content is created by the open source Your Priorities citizen engagement platform designed by the non profit Citizens Foundation