Hvað viltu láta gera? Endurskilgreina allar akbrautir í 101 sem tvístefnu hjólastíga. Þar sem það á við mættu akandi fara um sem gestir. Almennar umferðarmerkingar og götuyfirborð yrðu miðuð að hjólandi, en þar sem þar á við væru viðbótar undanþágumerkingar ætlaðar akandi. T.d. "tvístefna (velkomin). Nema fyrir akandi: þá innakstur bannaður". Hjólandi gætu hjólað í allar áttir á öllum götum og gatnamótum, og aldrei væri gert ráð fyrir að hjóla þurfi upp á gangstéttir. Hvers vegna viltu láta gera það? Stefnumótun borgarinnar í samgöngumálum gerir ráð fyrir að gangandi og hjólandi séu ávallt framar í forgangsröðinni við mótun borgarrýmisins heldur en akandi. Ég hjóla mikið um miðbæinn, og leiðist mjög að þurfa að hjóla á móti einstefnum, eða upp á gangstéttar. Sérstaklega á gatnamótum, þar sem ég kem úr óvæntri átt. Nýleg gatnamót hafa ekki gert ráð fyrir að hjólandi geti farið um þau á akbrautunum á móti einstefnu akandi. Þetta myndi bæta tugum kílómetra við hjólanet borgarinnar í einu vetfangi.
👍🏽👍🏽👍🏽👍🏽
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Fagteymi sérfræðinga verkefnisins hefur lokið við yfirferð hugmynda. Hugmyndin þín er ekki tæk* til kosningar í verkefninu Hverfið mitt 2020 - 2021. Skipulagsferill þessar hugmyndar væri of langur fyrir tímaramma verkefnisins eða hugmyndin samræmist ekki gildandi skipulagi á svæðinu. Hugmyndinni verður komið áfram sem ábendingu til samgöngudeildar umhverfis- og skipulagssviðs Reykjavíkurborgar. Næsta skref í verkefninu er að velja þær hugmyndir sem eiga að fara á kjörseðilinn í hverju hverfi. Þetta skref fer fram á opnum aukafundum íbúaráða sem verður streymt á Facebook. Allir geta tekið þátt í þessum fundum. Þeir sem fylgjast með útsendingunni geta tekið þátt í uppstillingunni. Gaman væri að þú tækir þátt í því að vekja athygli á fundinum þegar hann verður í þínu hverfi sem og kosningunni þegar þar að kemur. Dagsetningar fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson [email protected]
This content is created by the open source Your Priorities citizen engagement platform designed by the non profit Citizens Foundation