Hvað viltu láta gera? Ráða ÖBÍ til að gera heildstæða úttekt á aðgengi fatlaðra á stéttum, að húsum og við græn svæði eða útivistarsvæði í hverfinu og bæta þar sem ábótavant er. Hvers vegna viltu láta gera það? Aðgengishindranir í hverfinu eru ótal margar, ef gera ætti tillögu fyrir hverja hindrun tæki það endalausan tíma. Ef heildstætt yrði tekið á, myndi það gagnast öllum, barnavagnar, hjólabretti og hinn almenni gangandi vegfarandi væri betur staddur auk þess sem aðgengi fatlaðra ætti að vera vel séð frá öllum hliðum. Sem aukaverkun væri að hægt væri fyrir suma að velja að nota ekki bíl í sumar ferðir sem samsvarar markmiðum Reykjavíkurborgar. Það er mikilvægt að ÖBÍ sem dæmi sjái um framkvæmdina því eitthvað sem er okkur augljóst er ófötluðum algerlega hulið.
mikilvægt!
Það er frískandi að sjá tillögu um eitthvað heildstætt. Ég styð þetta mál og það verði sett aðgerðaáætlun.
Tek undir þetta. Skeifan á heimsmet í hindrunum fyrir alla nema bílaumferð.
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Fagteymi sérfræðinga verkefnisins hefur lokið við yfirferð hugmynda. Þín hugmynd var ekki metin tæk* til kosningar í verkefninu Hverfið mitt 2020 - 2021 þar sem ekki er um að ræða eiginlega nýframkvæmd. Hugmyndir er falla innan verkefna og valdheimilda Reykjavíkurborgar verður komið áfram sem ábendingu til viðeigandi deilda innan stjórnsýslu borgarinnar. Næsta skref í verkefninu er að velja þær hugmyndir sem eiga að fara á kjörseðilinn í hverju hverfi. Þetta skref fer fram á opnum aukafundum íbúaráða sem verður streymt á Facebook. Allir geta tekið þátt í þessum fundum. Þeir sem fylgjast með útsendingunni geta tekið þátt í uppstillingunni. Gaman væri að þú tækir þátt í því að vekja athygli á fundinum þegar hann verður í þínu hverfi sem og kosningunni þegar þar að kemur. Dagsetningar fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson [email protected]
This content is created by the open source Your Priorities citizen engagement platform designed by the non profit Citizens Foundation