Hvað viltu láta gera? Setja gangbraut norðarlega í Hvassaleiti, t.d. hjá hraðahindruninni hjá Hvassaleiti 6-10. Hvers vegna viltu láta gera það? Það er aðeins ein gangbraut í Hvassaleiti (sunnarlega) og mikilvægt að setja aðra norðarlega, t.d. hjá hraðahindruninni hjá Hvassaleiti 6-10, svo það þurfi ekki að ganga langa leið til að komast yfir. Myndi hjálpa börnum sem eru að fara í Hvassaleitisskóla.
Nauðsynlegt að hægja á umferð á þessum kafla Hvassaleitis, fyrir alla gangandi umferð en sérstaklega börn.
Þetta er nauðsynlegt fyrir börn í Hvassaleitisskóla.
Myndi hafa hana til að kljúfa þennan beina kafla nær blokkinni 12-16. Tifandi tímasprengja stórslyss.
Mikilvægt til að börn í Hvassaleitisskóla geti gengið örugga leið í skólann.
Mikill umferðarhraði. Myndi vilja sjá samskonar útfærslu og er í Breiðagerði. Þrengingar til að draga úr hraða.
Bráðnauðsynlegt áður en verður stórslys á þessum kafla Hvassaleitis þó það megi eingöngu aka á 30.km. Einhverjir bílstjórar nota þenna kafla sem kvartmílubraut ýmist frá beygju við Hvassaleiti 39 og upp að gatnamótum eða frá gatnamótum. Algjör klikkun sem endar bara á einn veg.
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Fagteymi sérfræðinga verkefnisins hefur lokið við yfirferð hugmynda. Hugmyndin þín er ekki tæk* til kosningar í verkefninu Hverfið mitt 2020 - 2021 þar sem hún flokkast sem viðhalds- eða öryggisverkefni. Hugmyndinni verður komið áfram sem ábendingu til viðkomandi sviðs innan borgarinnar. Viðhalds- og öryggisverkefni eru ekki lengur hluti af lýðræðisverkefninu Hverfið mitt. Réttur farvegur fyrir slíkar hugmyndir eru á vefnum: https://abendingar.reykjavik.is/. Næsta skref í verkefninu er að velja þær hugmyndir sem eiga að fara á kjörseðilinn í hverju hverfi. Þetta skref fer fram á opnum aukafundum íbúaráða sem verður streymt á Facebook. Allir geta tekið þátt í þessum fundum. Þeir sem fylgjast með útsendingunni geta tekið þátt í uppstillingunni. Gaman væri að þú tækir þátt í því að vekja athygli á fundinum þegar hann verður í þínu hverfi sem og kosningunni þegar þar að kemur. Dagsetningar fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson [email protected]
This content is created by the open source Your Priorities citizen engagement platform designed by the non profit Citizens Foundation