Hvað viltu láta gera? Auglýsa lóð fyrir matvöruverslun í Norðlingaholti. Hvers vegna viltu láta gera það? Fólk í Norðlingaholti hefur beðið eftir verslun í nokkur ár núna. Það er fólk hér eins og annarsstaðar sem keyrir ekki og það gæti aukið lífsgæði margra að auka aðgengi matvöruverslanna.
Krónan er á leiðinni í Norðlingaholtið, á N1 lóðina
Væri gott að vera laus við verslun í hverfinu. Eina sem það gerir er að auka umferð í hverfinu. Stutt í aðrar verslanir.
(svar til AKG) Það er orðin flökkusaga að Krónan sé á leiðinni í hverfið - þau svara því engu og gefa ekkert út á það en opna nýjar Krónur út um allt..
Það mætti ýta á svar frá Krónunni um það hvort þau ætli í hverfið
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Fagteymi sérfræðinga verkefnisins hefur lokið við yfirferð hugmynda. Þín hugmynd var ekki metin tæk* til kosningar í verkefninu Hverfið mitt 2020 - 2021 þar sem ekki er um að ræða eiginlega nýframkvæmd. Hugmyndir er falla innan verkefna og valdheimilda Reykjavíkurborgar verður komið áfram sem ábendingu til viðeigandi deilda innan stjórnsýslu borgarinnar. Næsta skref í verkefninu er að velja þær hugmyndir sem eiga að fara á kjörseðilinn í hverju hverfi. Þetta skref fer fram á opnum aukafundum íbúaráða sem verður streymt á Facebook. Allir geta tekið þátt í þessum fundum. Þeir sem fylgjast með útsendingunni geta tekið þátt í uppstillingunni. Gaman væri að þú tækir þátt í því að vekja athygli á fundinum þegar hann verður í þínu hverfi sem og kosningunni þegar þar að kemur. Dagsetningar fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson [email protected]
This content is created by the open source Your Priorities citizen engagement platform designed by the non profit Citizens Foundation