Koma á fót hverfisræktunarreitum

Ég hef heimsótt svona garð í miðborg Vancouver í Kanada og fannst mjög mikið tilkoma. Þar ræktuðu heimamenn matjurtir og blóm og hittust til að ræða landsins gagn og nauðsyniar. Ferðamenn voru afar velkomnir í garðinn. Þar sem garðurinn stendur var áður bensínstöð. Mjög góð skipti þar :)

Frábær hugmynd en er lóðin við heilsuverndarstöðina ekki í einkaeigu ? Hvað með matjurtagarð í stað bílastæða, á Akureyri var mikið rætt eitthvað haustið börn í stað bílastæða. Við erum offramboð af bílastæðum á skólavörðuholtinu við Vörðuskóla , við Hallgrímskirkju og tækniskólann - vonandi kemur einhvern tíman strætóstoppustöð sem framhaldskólanemendur geta nýtt sér og fleiri. Já hvað með að tæta upp malbikið við Vörðuskólann og búa til marjurtagarða þar ? Eru fleiri betri staðir kannski ?

Jú heilsuverndarlóðin er örugglega í einkaeigu. Að mínu mati væri engu að síður gott að byrja þar að því gefnu að samkomulag náist við lóðarhafann. Mér lýst vel á þá hugsun að koma matjurækt inn á svæði þar sem bíllinn hefur yfirhöndina, held að það verði langhlaup. Spurning um að byrja á svæðum þar sem einfaldara væri að byrja, ná upp stemningunni í hverfinu og vinna í framhaldinu fleiri lendur :o).

Víða vestanhafs má finna litla garða að þessu tagi svo nefnda community gardens. Slíkir garðar hafa ekki einungis það hlutverk að veita íbúum aðgang að ræktunarreitum heldur styrkja þeir hverfisvitund íbúa; fólk hittist, spjallar og fær aukin áhuga á nærumhverfi sínu. Til að koma svona garði á laggirnar þarf fyrst og fremst góðan hóp áhugasamra einstaklinga, svæði til ræktunar. Verkefnið væri ekki kostnaðarsamt, en skilaði sér í enn betra hverfi og sterkari samfélagsvitund.