Hvað viltu láta gera? Setja stóra ruslagáma í Stjörnubíóportið sem koma í staðinn fyrir ruslatunnur, þ.e. í bakgarði Grettisgötu, Barónsstígs, Laugavegs og Snorrabrautar. Hvers vegna viltu láta gera það? Eins og staðan er í dag erum yfir 90 ruslatunnur í portinu sem eru á lóðum húsanna og það er mjög erfitt aðgengi fyrir sorphirðumenn á sumum lóðunum. Það eru of fáar tunnur við sum húsin og ruslið flæðir um allt. Í mínu húsi eru 3 íbúðir og við borgum fyrir 7 runnur, 1 plast, 2 pappír og 4 fyrir almennt sorp. Nágrannar henda oft í okkar tunnur og það kemur oft fyrir að sorphirðumenn skila ekki tunnunum aftur á okkar lóð heldur eru þær skilda eftir einhversstaðar. Núna eru t.d. 3 stútfullar tunnur á okkar lóð og hinar tunnurnar okkar á víð og dreif á öðrum lóðum. Núverandi kerfi gengur einfaldlega ekki upp.
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Fagteymi sérfræðinga verkefnisins hefur lokið við yfirferð hugmynda. Hugmyndin þín er ekki tæk* til kosningar í verkefninu Hverfið mitt 2020 - 2021 þar sem verkefni hugmyndarinnar er ekki innan verkefna / valdheimilda Reykjavíkurborgar eða ekki á borgarlandi. Næsta skref í verkefninu er að velja þær hugmyndir sem eiga að fara á kjörseðilinn í hverju hverfi. Þetta skref fer fram á opnum aukafundum íbúaráða sem verður streymt á Facebook. Allir geta tekið þátt í þessum fundum. Þeir sem fylgjast með útsendingunni geta tekið þátt í uppstillingunni. Gaman væri að þú tækir þátt í því að vekja athygli á fundinum þegar hann verður í þínu hverfi sem og kosningunni þegar þar að kemur. Dagsetningar fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson [email protected]
This content is created by the open source Your Priorities citizen engagement platform designed by the non profit Citizens Foundation