Hvað viltu láta gera? Smíða litla þurrgufu á einn flotprammann í Nauthólsvík. Annar flotpramminn virðist vera í takmarkaðri notkun og væri því tilvalinn sem undirstaða fyrir saunu og ætti þannig að halda tilkostnaði niðri (sjá mynd). Flotpramminn flyti í passlegri fjarlægð frá landi. Hann myndi hýsa saunu og hvíldarpall til þess að hvíla sig milli sundspretta eða liggja í sólbaði. Hugsanlega væri hægt að klifra upp á þak og stökkva út í. Yfir vetrartímann væri svo hægt geyma flekann á sama stað og flotprammarnir eru geymdir í dag. Hef stundað sjóböð í nokkur ár og lengi dreymt um saunu í Nauthólsvík. Það virðist vera áhugi fyrir þessu og fjöldamörg dæmi um þetta út í heimi. Skemmtileg og öðruvísi hugmynd sem myndi vekja eftirtekt. Hvers vegna viltu láta gera það? Sniðug leið til þess að fá saunu í Nauthólsvíkina með litlum tilkostnaði. Flotsaunan myndi vekja athygli og gæti orðið skemmtileg viðbót við aðstöðuna í Nauthólsvík auk þess vantar þægilegan viðarklæddan flotpramma sem gott er að hvíla sig á milli sundspretta.
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Fagteymi sérfræðinga verkefnisins hefur lokið við yfirferð hugmynda. Hugmyndin þín er ekki tæk* til kosningar í verkefninu Hverfið mitt 2020 - 2021. Hugmyndinni verður komið áfram sem ábendingu til ÍTR og/eða viðkomandi sundlaugar. Næsta skref í verkefninu er að velja þær hugmyndir sem eiga að fara á kjörseðilinn í hverju hverfi. Þetta skref fer fram á opnum aukafundum íbúaráða sem verður streymt á Facebook. Allir geta tekið þátt í þessum fundum. Þeir sem fylgjast með útsendingunni geta tekið þátt í uppstillingunni. Gaman væri að þú tækir þátt í því að vekja athygli á fundinum þegar hann verður í þínu hverfi sem og kosningunni þegar þar að kemur. Dagsetningar fundanna, hlekkir á facebook eventa og nánari upplýsingar má finna á vefsíðunni: https://reykjavik.is/uppstilling-kjorsedils-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-almennar-upplysingar-2020-2021. Kær kveðja, Eiríkur Búi Halldórsson [email protected]
This content is created by the open source Your Priorities citizen engagement platform designed by the non profit Citizens Foundation