Gróðursetja tré og berjarunna frá Hringtorginu í vestur .

Gróðursetja tré og berjarunna frá Hringtorginu í vestur .

Hvað viltu láta gera? Gróðursetja tré og berjarunna á spildunni sín hvoru megin við Hofsgrund frá hringtorginu í vestur átt. Setja tré niður í þyrpingum sem skarast, EÐA í línum. 1.Trjálína 2.berjarunnar 3. trjálína 4. berjarunnar og svo framvegis.Hafa þéttari gróðursetningu sunnan við veginn ( þar er stærra svæði ) en hafa tré/runna með góðu millibili norðan við götuna. Óþarfi er að búa til beð í kring um trén ( það kallar á mikla umhirðu )en setja berjarunnana (rifs - og sólber) í beð. Reynitré dafna vel hér í hverfinu og öspin er líka fín. Gróðursetja nokkuð þétt, en skilja eftir pláss fyrir gangstétt, sem hefur enn ekki verið lögð. Skýla svo gróðrinum með einni léttri girðingu sem kæmi næst hringtorginu, sem stæði fyrstu árin. ( 2-3 lágrétt timburborð ca. 1 metri á hæð ).Þessi skýling sést víða og er mikil stuðningur fyrir plönturnar . Hvers vegna viltu láta gera það? Í NA og A vindáttum koma feiknaharðir strengir niður alla Hofsgrundina.Þetta er opið svæði.Gróðurinn myndi lægja vindinn töluvert .Það er ekki eitt einasta tré á þessu svæði. Allur gróður á erfitt uppdráttar hér vegna skjólleysis. Þetta yrði partur af skjólmyndun í hverfinu og fegrar svæðið heilmikið.

Points

Vil árétta það sem virðist gleymast : Það er íbúabyggð vestan hringtorgsins.Við , sem hér búum þurfum líka skjól Umrædd auða spilda er okkar næsta umhverfi..Hæðarmunurinn við byrjun Hofsgrundarinnar til enda er mikill.Það er ástæðan fyrir aukum vindhraða sem lemur á byggðinni hér. Einnig : Hér á Hofgrundinni v. hringtorgsins , hefur legið við slysum, þegar börn sem hafa ekki haft annað en götuna að hjóla eftir. Í Guðs bænum ; byrgjum brunninn..... Engin gangstétt frá upphafi byggðsr hér.

Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Hugmyndin þín var metin tæk* af fagteymi sérfræðinga verkefnisins og verður ein af þeim hugmyndum sem stillt verður upp á fundi íbúaráðs Kjalarnes á miðvikudaginn næstkomandi þann 24. mars milli kl. 17-19 þar sem valdar verða 20 af þeim hugmyndum sem verða á kjörseðli hverfisins í kosningunni í haust. Hér er hlekkur á facebook event fundarins sem verður opinn og streymt beint: https://www.facebook.com/events/866465844208636. Í einhverjum tilfellum hafa hugmyndir verið sameinaðar þar sem þær hafa verið taldar mjög áþekkar annarri/öðrum hugmyndum og í nokkrum tilfellum höfum við gert litlar breytingar á hugmyndum til þess að þær falli betur að reglum verkefnisins.* Fundir íbúaráðanna þar sem valið verður hvaða hugmyndir fara á kjörseðla hverfanna næsta haust verða formlegir aukafundir þar sem allir geta tekið þátt. Við viljum eindregið hvetja þig til þess að taka þátt í fundinum í þínu hverfi og vekja athygli á honum og hugmynd þinni eins og þú hefur tækifæri til. Dagsetningar allra fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson [email protected]

Gróðursetning trjáa og annars gróðurs er mjög mikilvægt til að skapa skjól og það er enginn á móti því hér á Kjalarnesi.

Kæri hugmyndahöfundur Uppstilling kjörseðla fyrir kosningarnar í íbúalýðræðisverkefninu Hverfið mitt fór fram á opnum fundum íbúaráða Reykjavíkurborgar frá 22. mars til 20. maí sl. og liggur nú niðurstaða fyrir í öllum hverfum. Þín hugmynd var því miður ekki valin áfram og verður því ekki á kjörseðlinum að þessu sinni. Nánari upplýsingar um fyrirkomulagið má finna hér: https://reykjavik.is/uppstilling-kjorsedla-fyrir-hverfid-mitt Í fyrsta skipti var öllum boðin þátttaka í þessum lið ferilsins, þ.e. að velja hugmyndir á kjörseðilinn að yfirferðar- og samráðsferli loknu. Þátttakan í uppstillingunni fór fram úr björtustu vonum og ljóst að margar góðar hugmyndir verða á kjörseðlum allra hverfa Reykjavíkur í kosningunni í haust. Á www.hverfidmitt.is má sjá þær hugmyndir sem verða til kosninga í verkefninu Hverfið mitt þann 30. september - 14. október næstkomandi. F.h. Hverfið mitt Kær kveðja, Eiríkur Búi Halldórsson [email protected]

Back to group

This content is created by the open source Your Priorities citizen engagement platform designed by the non profit Citizens Foundation

Your Priorities on GitHub

Check out the Citizens Foundation website for more information