Hvað viltu láta gera? Opna bókasafn fyrir almenning með því að samnýta aðstöðu skólabókasafns Ölduselsskóla. Hvers vegna viltu láta gera það? Mikilvægt að hafa nærþjónustu í göngufjarlægð. Bókasafnið myndi þjóna bæði börnum og fullorðnum. Skólinn hefði forgang að notkun safnsins en síðan yrði bókasafnið opnað almenningi á völdum tímum. Almenningur gæti t.d. skoðað dagblöð og tímarit. Með aukinni fjarvinnu eykst þörfin á nærþjónustu í íbúðahverfum. Staðsetningin myndi styrkja hverfiskjarnann í Rangárseli sem er hugsaður fyrir verslun og þjónustu. Í dag er bókasafn Breiðholts í Gerðubergi sem er heldur langt frá Seljahverfi en vel mætti hugsa sér samstarf á milli þessara eininga einkum varðandi millisafnalán á bókum fyrir fullorðna.
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Fagteymi sérfræðinga verkefnisins hefur lokið við yfirferð hugmynda. Þín hugmynd var ekki metin tæk* til kosningar í verkefninu Hverfið mitt 2020 - 2021 þar sem ekki er um að ræða eiginlega nýframkvæmd. Hugmyndinni þinni verður komið áfram sem ábendingu til viðkomandi sviðs innan borgarinnar. Næsta skref í verkefninu er að velja þær hugmyndir sem eiga að fara á kjörseðilinn í hverju hverfi. Þetta skref fer fram á opnum aukafundum íbúaráða sem verður streymt á Facebook. Allir geta tekið þátt í þessum fundum. Þeir sem fylgjast með útsendingunni geta tekið þátt í uppstillingunni. Gaman væri að þú tækir þátt í því að vekja athygli á fundinum þegar hann verður í þínu hverfi sem og kosningunni þegar þar að kemur. Dagsetningar fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson [email protected]
This content is created by the open source Your Priorities citizen engagement platform designed by the non profit Citizens Foundation