Magnaðir malarstígar

Magnaðir malarstígar

Hvað viltu láta gera? Víða í Breiðholti og þá sérstaklega í hinu stórkostlega skóg/kjarrlendi Breiðholtsins eru sem betur fer ennþá gamlir malarstígar. Þessi stígar eru satt að segja algjörar perlur útivistar og náttúruuplifunar í hverfinu. Á nokkrum köflum hafa þessir gömlu stígar verið lagaðir ( t.d. á köflum norðanvert undir Vesturhólum ) með því að bera í þá svarta stígamöl sem um leið stórbætir þá og opnar nýtt aðgengi að náttúrunni í Breiðholti. Tillagan gengur því út á það að kortleggja og laga ALLA malarstíga í Breiðholti með því að bera í þá stígamöl, breikka þá þar sem þarf og losa þá þannig við moldardrullu, polla og stór grjót og koma um leið upp bekkjum og/eða æfingatækjum á völdum stöðum í kjarrlendinu meðfram stígunum. Hvers vegna viltu láta gera það? Þannig stórbætum við hverfið okkar og opnum skemmtilegar leiðir til þess að njóta þess að vera úti í náttúrunni, inni í borginni/hverfinu okkar. Líklega eru þetta ekki margir kílómetrar, kannski 3-5 km og í misgóðu ástandi og viðhald er ekkert ef vel er gert í upphafi. Þetta verkefni ætti því ekki að þurfa að kosta svo mikið en gefur margfalt til baka. Þessu til viðbóta mætti benda á að það þarf að passa vel að malbika alls ekki alla göngustíga - vaxandi hópur fólks, svo sem hlaupa- og útivistarfólk, kýs miklu frekar malarstíga umfram malbik

Points

Sammála þessu. Malarstígar mun heppilegri t.d. íí hálku. Hinsvegar er hjólafólk að troðast eftir þessum stígum og spænir sandinn upp úr þeim. Stígurinn neðan við Vestyrbergið er 2. km. fram og til baka.

Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Hugmyndin þín var metin tæk* af fagteymi sérfræðinga verkefnisins og verður ein af þeim hugmyndum sem stillt verður upp á fundi íbúaráðs Breiðholts á fimmtudaginn næstkomandi þann 15. apríl milli kl. 17-19 þar sem valdar verða 25 af þeim hugmyndum sem verða á kjörseðli hverfisins í kosningunni í haust. Hér er hlekkur á facebook event fundarins sem verður opinn og streymt beint: https://www.facebook.com/events/184485366578370/. Í einhverjum tilfellum hafa hugmyndir verið sameinaðar þar sem þær hafa verið taldar mjög áþekkar annarri/öðrum hugmyndum og í nokkrum tilfellum höfum við gert litlar breytingar á hugmyndum til þess að þær falli betur að reglum verkefnisins.* Fundir íbúaráðanna þar sem valið verður hvaða hugmyndir fara á kjörseðla hverfanna næsta haust verða formlegir aukafundir þar sem allir geta tekið þátt. Við viljum eindregið hvetja þig til þess að taka þátt í fundinum í þínu hverfi og vekja athygli á honum og hugmynd þinni eins og þú hefur tækifæri til. Dagsetningar allra fundanna, hlekkir á Facebook eventa og nánari upplýsingar má finna á vefsíðunni: https://reykjavik.is/uppstilling-kjorsedla-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-god-rad-fyrir-thina-hugmynd. Kær kveðja, Eiríkur Búi Halldórsson [email protected]

Kæri hugmyndahöfundur Uppstilling kjörseðla fyrir kosningarnar í íbúalýðræðisverkefninu Hverfið mitt fór fram á opnum fundum íbúaráða Reykjavíkurborgar frá 22. mars til 20. maí sl. og liggur nú niðurstaða fyrir í öllum hverfum. Þín hugmynd var því miður ekki valin áfram og verður því ekki á kjörseðlinum að þessu sinni. Nánari upplýsingar um fyrirkomulagið má finna hér: https://reykjavik.is/uppstilling-kjorsedla-fyrir-hverfid-mitt Í fyrsta skipti var öllum boðin þátttaka í þessum lið ferilsins, þ.e. að velja hugmyndir á kjörseðilinn að yfirferðar- og samráðsferli loknu. Þátttakan í uppstillingunni fór fram úr björtustu vonum og ljóst að margar góðar hugmyndir verða á kjörseðlum allra hverfa Reykjavíkur í kosningunni í haust. Á www.hverfidmitt.is má sjá þær hugmyndir sem verða til kosninga í verkefninu Hverfið mitt þann 30. september - 14. október næstkomandi. F.h. Hverfið mitt Kær kveðja, Eiríkur Búi Halldórsson [email protected]

Back to group

This content is created by the open source Your Priorities citizen engagement platform designed by the non profit Citizens Foundation

Your Priorities on GitHub

Check out the Citizens Foundation website for more information