Hvað viltu láta gera? Setja niður stórar einingar í miðborginni, sem taka við sígarettustubbum, þar sem þeirra er þörf. Væntanlega detta þar líka niður nikótínpúðar og tyggjó. Hvers vegna viltu láta gera það? Vegna sóðaskapar fyrst og fremst . Hægt er að finna yfir 30 stubba á einum fermetra. Það er rosalega mikið um nikótínpúða út um allt og mikið um að tyggjói sé hent á gangstéttir borgarinnar. Nikótíntyggjóið er allra verst, segir sá sem hefur fjarlægt 34.705 tyggjóklessur af gangstéttum Reykjavíkurborgar.
Við eigum að hlusta á þennan mann sem fórnar tíma sínum í þágu borgarbúa og fegrunar Reykjavíkur. Hann er að benda á sóðaskap sem er okkur öllum til skammar. Styð þessa tillögu 100%.
Kæri hugmyndahöfundur, þakka þér kærlega fyrir þátttöku þína í verkefninu Hverfið mitt. Yfir 1320 mjög góðar hugmyndir bárust og öll þátttökumet voru slegin. Fagteymi sérfræðinga verkefnisins hefur lokið við yfirferð hugmynda. Hugmyndin þín er ekki tæk* til kosningar í verkefninu Hverfið mitt 2020 - 2021. Hugmyndin felur í sér verulegan rekstrarkostnað og fellur því ekki að reglum verkefnisins. Hugmyndinni verður komið áfram sem ábendingu til viðkomandi sviðs innan borgarinnar og verður tekin til skoðunar. Næsta skref í verkefninu er að velja þær hugmyndir sem eiga að fara á kjörseðilinn í hverju hverfi. Þetta skref fer fram á opnum aukafundum íbúaráða sem verður streymt á Facebook. Allir geta tekið þátt í þessum fundum. Þeir sem fylgjast með útsendingunni geta tekið þátt í uppstillingunni. Gaman væri að þú tækir þátt í því að vekja athygli á fundinum þegar hann verður í þínu hverfi sem og kosningunni þegar þar að kemur. Dagsetningar fundanna, hlekkir á facebook eventa og nánari upplýsingar má finna á vefsíðunni: https://reykjavik.is/uppstilling-kjorsedils-fyrir-hverfid-mitt. *Starfsfólks verkefnisins fer yfir innsendar hugmyndir og haft er samstarf við ýmsa sérfræðinga þegar metið er hvort hugmyndir uppfylla reglur verkefnisins. Nánari upplýsingar um yfirferðarferlið: https://reykjavik.is/hverfid-mitt-almennar-upplysingar-2020-2021. Kær kveðja, Eiríkur Búi Halldórsson [email protected]
This content is created by the open source Your Priorities citizen engagement platform designed by the non profit Citizens Foundation