Það þarf að hægja á umferðinni á Hofsvallagötu fyrir ofan Hringbraut (að Túngötu) þar sem börnin ganga í Vesturbæjarskóla. Best væri að setja almenninlegar hraðahindranir, td. stuttu fyrir ofan Hringbraut því þar kemur fólk hratt inn beygjuna og stoppar yfirleitt ekki fyrir gangandi vegfarendum - almennt of sjaldan stoppað fyrir gangandi vegfarendum þar. Og aðra ofar til að hægja á umferð úr hinni áttinni. Þarf ekki að mjókka götuna eins og var gert f neðan Hringbraut.
Mér finnst upplagt að að gera almennilega upphækkaða gangbraut t.d. á móts við Sólvallagötu í stað þess að fólk þurfi að hlaupa yfir þar sem er "næstum því gangbraut".
Ég hef ítrekað staðið með lítil börn í alls kyns veðri á leið yfir götuna þar sem á að fara yfir og bílarnir keyra framhjá án þess að stoppa, og hægja jafnvel ekki á sér. Þetta er stórhættulegt, sérstaklega fyrir öll börnin sem ganga þarna um á hverjum degi til að fara í/úr Vesturbæjarskóla. Með því að setja hraðahindrun myndi umferðin verða hægari og öryggi gangandi vegfarenda þar með aukið og það væri auðveldara að komast yfir götuna þegar ökumenn/ bílar myndu annars ekki stoppa.
This content is created by the open source Your Priorities citizen engagement platform designed by the non profit Citizens Foundation