Hvað viltu láta gera? Setja upp lýsingu fyrir gangstíginn sem liggur frá dælustöðinni sunnan flugbrautar, meðfram ströndinni að suðurgötu. Hvers vegna viltu láta gera það? Þeir sem stunda útivitst eins og göngu og hlaup þurfa að fara þarna um í myrkri stóran hluta ársins. Varasöm leið í myrkri þegar snjór/klaki er á stígnum.
Það eykur öryggi vegfarenda að lýsa upp stíginn.
Einfaldlega öryggismál.
Mikið öryföggismál fyrir gangandi og hjolandi vegfarendur
Algjörlega á móti þessu, það þarf ekki að lýsa upp allt endalaust!
Endilega ekki! Þetta er eitt af fáum svæðum í borginni sem er ekki ljósmengað. Ég skokka sjálf og það er bara sjálfsagt mál að hlaupa á broddum þegar það er hálka úti- og með höfuðljós þegar það er myrkur.
Ég vil alls ekki sjá ljós við stíginn! Mjög fá borgarsvæði eru laus við ljósmengun. Má ekki eitthvað ennþá verið osnortið? Fjaran er mikilvægur suðupottur alls konar lífs í borginni. Fleira en bara mannfólk fer þar um - hvað með td. áhrif á fuglalíf? Ef öryggi eru helstu rök með þessu, myndi ég halda að hraðatakmarkanir reiðhjóla- og hlaupahjóla væri gott fyrsta skref. Ósnortin náttúra eru ótrúleg lífsgæði og einn helsti kostur þess að búa í Skerjafirði - ekki taka burtu þessi lífsgæði!
Þetta er alfaraleið fyrir bæði hjólreiða og gangandi vegfarendur úr og í vinnu. Þetta er ekki örugg leið fyrr en hún verður lýst upp.
Þegar göngustígar voru aðeins ætlaðir til frístundanota þá var lítil þörf á lýsingu. En með margföldun notkunar stíganna sem sangönguleiða fyrir fólk á leið í og úr vinnu og skóla er brýnt að bæta lýsingu á öllum slíkum leiðum. Það á við um þennan stíg. Sjálfur hef ég séð óhöpp þarna vegna myrkurs og oft legið við slíku. Lýsing er öryggismál. Öryggismál eru forgangsmál.
Ef þetta væri vegur fyrir bíla þá myndi enginn velta þessu fyrir sér og hann hefði verið upplýstur frá upphafi. Skiptir miklu máli fyrir öryggi þeirra sem vilja ferðast um á hjóli, hlaupandi eða gangandi.
Tek undir þetta og vil bæta við að með réttri hönnun þarf lýsing ekki að þýða ljósmengun fyrir íbúa svæðisins.
Geng mikið þarna og þegar það er komið myrkur líður mér illa að vera ein og lýsing mindi lafa það.
Það er hægt að koma smá "leiðarljósi" þarna fyrir fólkið í myrkrinu án þess að ljósmenga. Þetta er bara öryggisatriði.
Til sð auka öryggi.
Öryggismál. Taka almannahagsmuni fram fyrir sérhagsmuni örfárra. Stutt að fara í Öskjuhlíð og sjá norðurljós og stjörnur ef maður er alveg í spreng
Þetta er afbragð tillaga og mjög góð tiltaga til að sætta sjónarmið, þ.e. að koma með fallega og daufa led-lýsingu. Skil ekki að nokkur geti verið á móti því að börn geti farið um þarna örugg og séu ekki að hrasa í myrkinu. Mér finnst líka að þetta passi svo vel við framtíð svæðisins og tenginguna við Kársnes og brúnna. Þetta er útivistarperla og framtíðin felst í útiveru og samveru. Takk fyrir tillöguna og vonandi kemur falleg lýsing svo allir verði glaðir.
Öryggisatriði í myrkri og hálku.
Nota þennan stíg mikið og gert í áraraðir og hann á að lýsa. Þetta er þjóðbraut gangandi fólks í borg og því ber setja þarna ljós. Heyrt af mörgu fólki sem finnst mjög óþægilegt að ganga þarna í svarta myrkri.
Alls ekki. Ljósmengun
Mun auka öryggi allra sem um stíginn fara, sérstaklega á veturna í myrkri og ísingu. Með góðri lýsingu mun fólk geta verið á ferð fyrr á morgnana og seinna á kvöldin allt árið um kring. Þetta mun einnig hvetja fleiri til útivistar á þessu svæði.
Ljósmengun hefur áhrif á dýraríkið, fólk og lífsgæði okkar allra. Myrkur er nauðsyn fyrir náttúruna og þau dýr sem búa í henni. Myrkur er einnig nauðsyn fyrir okkur. Allir sem vilja geta komið með vasaljós. En ef ljósastaurar verða settir þar, þá geta þeir sem vilja myrkur ekki komið með vasamyrkur.
Ef það eykur öryggi, auðvitað!
Þessi tillaga um ljós á göngustíginn er árlegur vírus sem er ótrúlegt að þurfi að kjósa endalaust burt, með rökfærslum, skrifum og leiðindum. Allt er jafngilt og áður, fólki sem vill ferðast um upplýstar stéttir og sjá ekki einstakt umhverfið er velkomið að gera svo 50 metrum innar. Kostar ekkert!
Fyrir marga hefur þetta meira gildi en bara sem gönguleið eða enn önnur umferðaræð - þetta er útsýnis-, náttúru- og útivistarsvæði. Að hugsa um svæði eingöngu út frá notkunargildi en ekki fagurfræðilegum gildum og náttúruverndarsjónarmiðum eru mistök að mínu mati.
Alveg jafn vitlaus hugmynd og í fyrra. Gott að fá frí frá ljósmenguninni.
Það er einfalt að skokka meðfram hjólastígnum, framhjá þessu ólýsta svæði. Reiðhjól eiga ekki að vera á þessum hluta göngustígsins. Myrkur getur verið dásamlegt, og við þurfum ekki að lýsa allt upp. Vasaljós er líka tiltölulega einfalt tæki.
Þetta er jafn vond hugmynd og í fyrra. Það er yndislegt að geta farið með krakkana í vasaljósagönguferð og notið norðurljósanna þegar þau láta sjá sig. Ekkert mál fyrir fólk að velja upplýsta leið ef fólk vill það frekar t.d hjá hjólastígum þar sem er bæði hjólastígur og upplýst gangstétt eða í gegnum hverfin, fyrir utan alla þá möguleika sem fólk hefur á búnaði með ljósi.
Fáránleg hugmynd! Þetta er eini staðurinn í Vesturbæ þar sem hægt er að rölta í myrkrinu og sjá stjörnubjartan himininn með norðurljósa dýrð!
Í alvöru aftur? Þessi tillaga hefur komið fram í nokkur ár. Þetta er einn af fáum stöðum í Reykjavík þar sem hægt er að njóta myrkurs, stjörnuhimins og norðurljósa án ljósmengunar. Þetta er göngustígur en EKKI hjólastígur. Það voru settir tugir milljóna í frábæran hjólastíg sem fer í gegnum hverfið sem er upplýstur og hann er hægt að nota. Please leyfum þessu að vera eins og það er. Það eru miklu mikilvægari mál sem má setja auranna í. Þetta mál jaðrar við einelti.
Ljósmengun stafar af lýsingunni. Myrkur er vanmetin auðlind. Margir aðrir göngustígar eru lýstir upp og fólk sem vill upplýst myrkur ætti að geta gengið eftir þeim en valið þennan í björtu eða notað vasa- eða höfuðljós.
Það er einstakt að eiga þetta ólýsta náttúrusvæði í miðri borg og það eru lýstar leiðir rétt við sem hægt er að fara um vilji maður ljós. Fuglar koma og eiga náttstað þarna, m.a. frá tjörninni, hægt er að njóta stjönuhimins, glampa tungls á sjónum, norðurljósa og fá tengsl við náttúruna sem lýsing myndi skemma. Ef viljum lýsa okkur þarna leið eru höfuðljós einföld í notkun.
Að njóta norðurljósa, stjörnudýrðar og tunglskins er einstök upplifun. Náttmyrkrið er auðlind sem borgarbúar fá ekki of mikið af, raflýsing og ljósmengun kemur í veg fyrir það. Verndum kvöld útsýnið af stígnum. Örstutt er í hjólastíg og gangstéttir þar sem lýsing er góð.
Ljósmengun og ekki hægt að sjá norðurljós og stjörnur nema að sé myrkur.
Sammala tillogu
This content is created by the open source Your Priorities citizen engagement platform designed by the non profit Citizens Foundation