Hvað viltu láta gera? Tillaga okkar er að í stað hárra nútíma götuljósa komi lág gamaldags götuljós í „vintage“ stíl, sem hæfir einstakri götumynd Miðstrætis. Hvers vegna viltu láta gera það? Íbúar Miðstrætis eru afar stoltir af sögu og ásýnd götu sinnar. Fyrstu húsin risu 1902-3 (nr. 8 og 10), og voru þá kölluð „Snikkaravillur“. Á sama tíma og í sama stíl risu fögur hús við Tjarnargötu og víðar. Til hinnar einstöku götumyndar teljast Miðstræti 3, 3a, 4, 5, 6, 7, 8a og 8b, 10 – ásamt Skálholtsstíg 7-Næpunni og Bókhlöðustíg 8 og 10. Allt frá 1980 hafa eigendur húsa við Miðstræti verið duglegir við að endurbæta og fegra húsin og þá í samráði við húsfriðunaryfirvöld, enda viðurkennt að Miðstræti sé ein heillegasta götumynd borgarinnar frá upphafi síðustu aldar. - Flytjendur þessarar tillögu telja að eftir miklar endurbætur og fegrun húsa í Miðstræti hin síðari ár yrði það til að auka enn á fagra ásýnd götunnar að í stað hárra nútíma götuljósa komi trúverðug götulýsing í „vintage“ stíl. Þá væri tilvalið og enn frekar til að fegra strætið að legga vel valdar gengstéttarhellur beggja vegna. Íbúar Miðstrætis hafa í vaxandi mæli orðið varir við fjölda ferðamanna, innlendra sem erlendra, sem gera sér ferð um götuna til að ljósmynda þessi fallegu bárujárnshús. Án efa væri slík „vintage“ götulýsing til að auka enn frekar við þetta aðdráttarafl götumyndarinnar og undirstrika þá prýði sem Miðstræti er fyrir borgina.
👍
hjartanlega sammála
Þessir iðnaðarstaurar mega hverfa úr hverfinu okkar ... Takk ..!!
Þessi fallega gata á að sjálfsögðu að fá falleg ljós, svo er auðvitað betra fyrir íbúa götunnar og hverfisins að geta gengið eftir Miðstrætinu á veturna, í góðri birtu.
Gatan er ein fegursta gata Reykjavíkur. Myndi þessi tillaga um lýsingu í þessum stíl undirstrika fegurð hennar enn frekar.
Dásamlega flott tillaga. Götulýsing sem styrkir heildarmynd hins fallega Miðstrætis.
Frábær hugmynd ❤️
Burtu með þessa ljótu staura úr yndislega fallegri götu!!
Miðstræti er iðulega nefnt sem dæmi um eina heillegustu og best varðveittu timburhúsagötuna í Reykjavík frá upphafi aldarinnar. Götumynd friðuð og íbúar meðvitaðir um að gera hús upp í anda uppruna síns. Einkar vel við hæfi að götulýsing fylgi sömu stefnu og sé í anda þeirra götuljósa sem sjá má á myndum frá eldri tíð.
Flott hugmynd.
Algerlega sammála og það á líka við um Þingholtsstræti. Þar þarf líka fallegri ljósastaura eins og t.d. eru við Skólavörðustíg. Einnig þurfa að vera staurar báðum megin við götuna þannig að möguleiki sé að tengja hleðslustöðvar fyrir rafmagnsbíl í staurana. Staurarnir í Þingholtsstræti eru þeim megin sem ekki má leggja og ekki leiðir maður rafmagnskapal þvert yfir götuna.
Styð þessa fallegu og tímabæru hugmynd
Svona vintage götulýsing ætti að vera í öllum Þingholtunum. ekki síst í Miðstræti.
Götuljós og hús eru órofa hluti af sömu götumyndinni. Gömlu ljósin sem eru í sama stíl og húsin í götunni og smellapassa í þessa mynd, en alls ekki þessi ósmekklegu iðnaðarhverfisgötuljós sem eru þar núna. Það þarf að skipta þeim út sem allar fyrst.. Þetta á reyndar við um fleiri götur í gamla bænum en þessi gata æpir á það. Mundi gjörbreyta útlitinu til hins betra ...af augljósum ástæðum.
Ég styð þessa hugmynd.
Með
Ólst upp í Miðstræti 5, gæti ekki verið meira sammála þessari frábæru tillögu.
Flottara
Miðstræti með sýna einstöku götumynd á skilið að lýsingin sé í stíl við húsin. Það er í raun merkilegt í ljósi þess að götumyndin er friðuð að lýsingin hafi ekki verið löguð án þess að íbúar bæðu sérstaklega um það. Um götuna röltir mikil fjöldi ferðamanna og líka borgarbúar sem fara hér í gegn um á rölti um miðborgina. Að lokum þá man ég eftir svipaðri tillögu fyrir allmörgum árum sem ekki átti upp á pallborðið vonandi á hún það nú.
This content is created by the open source Your Priorities citizen engagement platform designed by the non profit Citizens Foundation