Á svæðinu milli Blöndu- og Dvergabakkanna er afgirtur, malbikaður völlur sem mætti endurbæta og nýta betur en raunin er í dag. Skautasvell yfir köldustu mánuðina en körfuboltavöllur þess utan er hugmynd sem mætti skoða.
Áður fyrr var útbúið skautasvell á þessum velli á veturna og þar kom fólk saman til að renna sér á skautum. Þetta setti skemmtilegan svip á hverfið og gæti verið gaman að endurvekja þá stemmingu sem fylgdi skautasvellinu. Það skiptir máli að gefa íbúum kost á fjölbreyttum afþreyingarmöguleikum innan hverfis. Því væri tilvalið að endurbæta þá velli sem þegar eru til staðar og leggja áherslu á sérstöðu hvers og eins. Körfubolti og skautar gætu átt athvarf á þessum velli og annað sport á hinum.
Frábær hugmynd því þetta gefur börnum og öðrum kost á fjölbreyttari hreyfingu innan hverfis.
This content is created by the open source Your Priorities citizen engagement platform designed by the non profit Citizens Foundation