Skólabörn ganga iðulega um Laugalæk til að komast til og frá skóla, bæði Laugalækjarskóla og Laugarnesskóla. Gatan er með 30 km hámarkshraða en oftar en ekki er keyrt mun hraðar í gegnum götuna. Mikið er um að fólk reyni að stytta sér leið í gegnum Laugalæk og Sundlaugaveg í stað þess að aka um Sæbraut eða Suðurlandsbraut á álagstíma. Það þarf að leita leiða til að hægja á bílaumferð hvort sem væri að gera götuna að einstefnu götu frá Leirulæk að Laugarnesvegi eða loka henni í annan endann.
Hér er enn ein myndin af lokuninni á Rauðalæknum. Allar ferðir þeirra sem búa fyrir neðan lokun byrja og enda á þessum götum og allir þeir sem búa fyrir ofan fara þessar leiðir líka! Það sem væri skynsamlegra er að opna göturnar og setja upp myndavélar!
Það má mjög gjarnan hægja á umferð bæði á þessum götum, Laugalækur og Gullteigur hafa verið nefndir í hugmyndum. Mér finnst þessi lokun á Rauðalæk slök lausn á raunverulegu vandamáli því umferð flyst til en minnkar ekki. Góð lausn á svona umferðarmáli sem einnig skilar mjög vistvænni og rólegri götu er t.d. á Þórsgötu, ég myndi mæla með slíkum lausnum í stað þess að loka.
This content is created by the open source Your Priorities citizen engagement platform designed by the non profit Citizens Foundation