Auka mætti merkingar um 30km/klst. hámarkshraða við Hæðargarð mtt. að draga úr hraðakstri um íbúðargötuna. Við götuna er leikskóli og þjónustuíbúðarkjarni eldri borgara. Talsverð umferð er um götuna. Hámarkshraði er 30km/klst. en ekki alltaf virtur af ökumönnum. Einnig er nokkuð um að bílum sé lagt á götuna sjálfa meðfram vegkaflanum er liggur að gatnamótunum að Réttarholtsveg. Staðsetning bíla sem lagt er á götuna skapar árekstrarhættu, einkum að vetrarlagi þegar snjóþungt og hálka er.
Lítið er um merkingar er gefa til kynna hámarkshraða utan skilta við upphaf götunnar í báða enda og vegmerkinga sem sjást ekki að vetrarlagi. Setja mætti upp fleirri skilti er gefa til kynna hver hámarkshraði er, merkja á götu rými fyrir hjólandi umferð sem og brotalínu milli akgreina. Þannig mætti með vegmerkingum fyrir hjólandi umferð vonandi einnig beina umferð rafmagnsvespa af gagnstéttum meðfram íbúðarhúsum yfir á götuna sjálfa.
Auka umferðaröryggi með gönguljósum og hraðamyndavélum frekar en með hraðahindrunum og þrengingum. Hraðahindranir og þrengingar bitna ekki einungis á ökuníðingum heldur einnig á þeim sem aka löglega.
This content is created by the open source Your Priorities citizen engagement platform designed by the non profit Citizens Foundation