Það er samfelld skemmtileg gönguleið frá hlíðunum upp að Skólavörðuholti, sem er þó brotin á einum stað. Leiðin er í gegnum Klambratún, Kjartansgötu og svo lítinn göngustíg þvert á Auðarstræti að Snorrabraut. Þar myndi maður halda áfram lítinn göngustíg upp að Leifsgötu, ganga upp Leifsgötu þar sem tekur við göngustígur sem liggur að Hallgrímskirkju. Á þessari leið er þó girðing fyrir Snorrabraut sem þarf að fjarlægja og setja gangbraut.
Þetta er nokkuð góð gönguleið fyrir íbúa Hlíða og Norðurmýrar til að ganga niður í miðbæ, því gönguleiðin er annaðhvort um fáfarnar íbúagötur með litla umferð eða göngustígar þar sem engin bílaumferð er. Verkefnið er einfalt því það fellst í að taka í burtu eina hindrun (eina girðingaeiningu) og merkja gönguleið yfir götuna.
This content is created by the open source Your Priorities citizen engagement platform designed by the non profit Citizens Foundation