Minnka hljóðmengun frá mestu umferðargötunum með Trjágróðri.

Minnka hljóðmengun frá mestu umferðargötunum með Trjágróðri.

Points

Vá. Það er jafnvel meira en ég fékk út - rúm 35%... takk fyrir þær upplýsingar. (Hér er hlekkur: http://www.reykjavik.is/Portaldata/1/Resources/adalskipulag/skyrslur/Land_oerf_samgangna-NER-HS2004.pdf )

Innilega sammála bæði Smára og Friðriki. Það mætti planta trjám í stað þess að byggja endalaust af vegum.

Þetta er ágætis hugmynd, en samt finnst mér eins og það vanti kannski að íhuga leiðir til að draga úr umferð. Þetta einkabílabull er að taka upp of mikið pláss, skapa rosalega mengun og hávaða, og er alveg hrottalega óhagkvæmt. Mér þætti gaman að sjá tölfræði yfir það hversu mikið hlutfall af landsvæði borgarinnar fer undir vegi... ég reyndi að reikna þetta svona í gamni miðað við einhverjar hálfmótaðar dútlforsendur, en tölurnar sem ég fékk út voru svo svimandi háar að ég þori ekki að fara með þær hér. :P

Mikill umferðarhávaði frá aðalumferðargötum getur verið afskaplega þreytandi og ef hægt væri að draga úr honum með gróðursetningu trjáa meðfram vegum, myndi það bæta umhverfið og auka lífsgæði íbúanna.

Trjágróður er skárri og einhvern veginn eðlilegri kostur heldur en þessir ógeðslegu steypuveggir sem búið er að byggja víða, t.d. á Sæbrautinni, og þessir asnalegu grashólar. Annars finnst mér að fólk sem er viðkvæmt fyrir hávaðamengun ætti kannski bara að íhuga þann valkost að búa einhversstaðar annars staðar en nálægt miklum umferðargötum.

Trjágróður dregur verulega úr vindi sem ætti að auðvelda fólki að ferðast á reiðhjólum og minnka þannig bílaumferð, sem er bara af hinu góða.

Skv. því sem Þórður segir, dempa tré hljóðin ekki vel, þarf ekki sambland af þessu: vegg ( steypa - viður - grjót eða bara gamaldags móhleðslu ) og tré utan eða innan við, Stórir runnar nær götunni og tré innan garðs.

Sæll - ef þú gúgglar "Landþörf samgangna" þá færðu upp skýrslu frá Reykjavíkurborg þar sem reiknað var út að flatarmál samgöngukerfa í Reykjavík var 48.1%, byggingarsvæði voru 41,7% og opnisvæði 10,2 % árið 2004. Með kveðju

Orðið holt þýddi að fornu skógur þannig að málshátturinn gamli þýðir að oft sé einhver í skógi sem geti heyrt til manns eða með öðrum orðum að trjágróður er of gisinn til að dempa hljóð. Tré eru góð til að skýla fyrir vindi og ryki en því miður duga þau ekki sem hljóðdemparar eins og massíf efni, þ.e. hljóðmanir og steyptir veggir. Betra væri að skipuleggja umferðar og samgöngumál þannig að bæði hljóðmengun sem og önnur mengun minnkaði eða hyrfi.

Back to group

This content is created by the open source Your Priorities citizen engagement platform designed by the non profit Citizens Foundation

Your Priorities on GitHub

Check out the Citizens Foundation website for more information