Endurvekja Laugarveg sem verslunargötu, með ferðamenn í huga

Endurvekja Laugarveg sem verslunargötu, með ferðamenn í huga

Points

Leiðrétti stafsettningu. Það heitir Laugavegur ekki LaugaRvegur.

En hver er munurinn á verslun með túrista og Íslendinga í huga? Við erum nú þegar með þessar túristabúðir niðri á Laugarvegi. Verslunarrekstur sem beinist að Íslendingum virkar greinilega ekki sem skildi í miðbænum. Því ekki að nota túrista sem markhóp og leyfa síðan Íslendingum að njóta góðs af? Yrðu þetta hvort eð er ekki svipaðar búðir og eru nú þegar í Kringlunni og Smáralind? Hver yrði munurinn?

Vegna þess að þarf samstillt markaðsátak til að endurvekja Laugarveginn sem verslunargötu. Ef markhópurinn er einungis Íslendingar, eins og hann hefur að mestu leiti verið hingað til, þá er ekki eftir miklu að slæðast þar sem það er mikil samkeppni fólgin í Kringlunni og Smáralind. Eins og má sjá er Laugarvegurinn ekki aðlaðandi verslunargata í dag. Ef það næst að gera Laugarveginn að aðlandi götu fyrir túrista til að versla á, þá munu allir njóta góðs af. Íslendingar eru að fara á mis við gífurlegt magn gjaldeyristekna vegna tækifæra sem þeir nýta sér ekki í verslun.

Það gefur auga leið að túristar eru ekki að fara í Kringluna og Smáralind að neinu ráði til að versla. Maður sér það bara þegar maður verslar þar sjálfur, ekki mikið um túrista, enda er erfitt fyrir túristana að komast upp í þessar verslanamiðstöðvar. Hins vegar er auðséð að það er mjög mikið um túrista í miðborginni. Því er mun líklegra að þeir versli þar, þeir eru einfaldlega flestallir þar. Það er tvennt sem þarf að gera til að bæta umhverfi fyrir verslun í miðborginni. Í fyrsta lagi þarf að hreinsa upp borgina, það er of mikið af ljótum görðum og húsum í niðurníðslu. Það væri fínt að byrja á Laugarveginum. Í öðru lagi þyrfti að skoða þann möguleika að breyta Laugarveginum í göngugötu. Ná upp svipuðum fíling og á Strikinu í Kaupmannahöfn, þar er btw skítkalt stóran hluta ársins, engu að síður kjósa mjög margir að versla þar, þrátt fyrir möguleika á að versla í verslanamiðstöðum. Það þarf einfaldlea að ná upp ákveðnum sjarma, og það er ekki gert með bílaröð niður Laugarveginn. Verslunareigendur þurfa ekki að hafa áhyggjur af því að sú röð hverfi. Flestallir sem í henni eru, eru ekki þar til að versla, enda er illmögulegt að fá stæði á Laugarveginum sjálfum. http://img1.eyefetch.com/p/5l/420122-32dc2858-ae06-4fe0-bdf3-5041b64d9057.jpg

En það eru svo mikill peningur sem verslunarmenn og Íslendingar fara á mis við með því að hafa ekki jafn öfluga verslun í miðbænum og finnst í verslanamiðstöðunum. Þetta þyrfti ekki að vera verslun einungis fyrir túrista, heldur líka fyrir Íslendinga. Túrista myndu hins vegar skapa meiri viðskipti í þeim, og hjálpa þeim þannig að keppa við Kringluna og Smáralind. Þetta myndi gera Laugarveg að mun sterkari verslunarkjarna, ekki ósvipað og fyrir u.þ.b. 20 árum, áður en Kringlan kom til sögunnar.

Ef enginn er munurinn á verslun og þjónustu fyrir Íslendinga og túrista; hversvegna þurfum við þá að skilgreina Laugarveginn/Miðborgina sérstaklega sem verslunarsvæði fyrir túrista?

Hvernig sjáið þið fyrir ykkur aðkomu borgarinnar að þessu ? Mun Laugavegurinn aftur fyllast af búðum ef honum verður breytt varanlega í göngugötu ? Ég held að túristar fari í Kringlu og Smáralind og versli þar í hlýju og skjóli. Hafið þið tölur sem styðja mál ykkar? Annars er ég mjög hrifin af að breyta hluta Laugavegs í göngugötu yfir hásumarið.

Mér finnst Laugavegurinn bara standa nokkuð vel undir nafni sem verslunargata, nærri öll verslunarpláss eru í notkun. Þokkalegur hluti þeirra búða höfða fyrst og fremst til túrista. Ef eitthvað er finnst manni nóg um. Laugavegurinn þarf ekkert að gerast miðja verslunar fyrir ferðamenn, hann er það. Hins vegar ætti miðborgin að fagna hlutverki sínu sem miðstöð hönnunar og viðskipta með íslenska hönnun t.d. með því að fá Hönnunarsafn Íslands á svæðið. Það má hins vegar gera ýmislegt til að halda uppi stemningunni kringum jólin og aðrar hátíðir með skreytingum, viðburðum og ýmsu sem gleður.

„Tilbúið“ þorp er hægt að skoða uppá Árbæjarsafni. Miðborgin á að vera lifandi umhverfi fyrir Reykvíkinga og gesti borgarinnar þar sem fólk býr og starfar og sækir þjónustu og afþreyingu, ekki leiktjöld fyrir túrista.

Sammála, það er þreytandi að hanga í verslunarmiðstöðvum of lengi...

Þetta er góð hugmynd en mér þykir reyndar jafn mikilvægt að endurvekja Laugaveg sem verslunargötu fyrir Íslendinga sem eru þreyttir á verslunarmiðstöðvum. Verslunar- og veitingahúsagötur á borð við Laugaveg eru að mínu mati einhverjir mikilvægustu staðir hverrar borgar og eins og kemur fram í rökum með tillögunni er því miður lítið að sækja þangað nema mann vanti flísfatnað eða minjagripi. Það vantar 'venjulegar' verslanir á Laugaveg.

Erlendir ferðamenn þekkja vel til svona gatna, setjum einfaldar lokanir á gatnamótin. t.d rafknúna polla sem hægt er að setja upp og niður

Nú er orðið hagkvæmt að versla föt og ýmis konar munaðarvöru á Íslandi. En hvað býður ferðamanna sem koma til Íslands? Laugavegur sem er ekki sjón að sjá miðað við hvað hann var fyrir ca. 10-15 árum. Það þarf að hreinsa upp Laugaveginn og koma inn hágæða verslun og þjónustu, opna ýmis búðir með bæði íslenskri og erlendri vöru. Ferðamenn eru í miðbænum og versla í miðbænum, ekki í Kringlunni eða Smáralind. Það þyrfti líka að skoða að loka á alla umferð niður laugarveginn og helluleggja hann.

Mér hugnast það ágætleg að Laugarvegurinn sé göngugata; og held að það hafi verið nokkur ánægja með þá tilraun í sumar, að því sögðu þá leyfi ég mér að efast um að það myndi ganga yfir vetrarmánuðina. Varðandi það að Laugarvegurinn sé eitthvað sérstaklega fyrir túrista þá finnst mér það fáránleg hugmynd; í dag er miðbærinn nánast undirlagður af túristabúðum og börum og vil ég ógjarnan að Borgin beiti sér fyrir áframhaldi á þeirri þróun. Helst hefði ég viljað sjá miðbæinn þróast í þá átt að vera „verslunarmiðstöð“ fyrir Reykvíkinga (og gesti borgarinnar); vandamálið virðist því miður vera að ekki virðist hagkvæmt að stunda almennan verslunarrekstur í miðborginni og það er eittvað sem Borgin þarf að taka til skoðunar.

Mjög fínt eins og var í júlí, mætti samt ná lengra í austur.

Það má alls ekki breyta Laugavegi í gler- og steinsteypugettó í líkingu við Borgartún eða Skuggahverfi.

Back to group

This content is created by the open source Your Priorities citizen engagement platform designed by the non profit Citizens Foundation

Your Priorities on GitHub

Check out the Citizens Foundation website for more information