Sundlaugarnar nýttar.

Sundlaugarnar nýttar.

Points

Varðandi viðhaldsverkefnin sem eru nú í gangi þá vona ég að þau gangi vel og að menn sýni skynsemi frekar en einfeldni. Eimböð eiga td. ekki að vera með heilum sætum eins og í Laugardal þar sem mestur hiti fer á kálfa, heldur eins og í Árbæjarlaug, Breiðholtslaug þar sem hitinn sleppur upp á bakið á manni. Hurðir í Eimböðum eiga að halla þannig að þær lokist af þyngdarafli einu saman. Þegar pottar eru hannaðir eiga þeir að vera djúpir þannig að vatnið nái hátt upp á axlir amk. í hluta pottarins. Sorglegt dæmi um klúður er Sjópotturinn í Laugardal. Það er varið miljónum í lagnir og hreinsikerfi síðan er settur bali á yfirborðið sem er alltaf yfirfullur af fólki. Sjópottar eru vinsælir allstaðar þar sem þeir eru það var vitað fyrirfram. Það er sorglegt hvað vantar upp á að vitrænar áhvarðanir séu teknar.

Mér fannst skemmtilegt að það væri verið að samnýta sjóinn fyrir selina í Húsdýragarðinum. Þetta er flott hugmynd að hafa sjópott. Ég hefði bara kosið að gera þetta með stæl í upphafi. Laugardalslaugin er ein af kennileitum Íslands og við þurfum að hafa þetta myndarlegt.

Það kostar uþb. 90% af rekstrarkostnaði lauganna að hafa þær opnar.( hitunarkostnaður, klórnotkun, mannvirkjaleiga) 10% Laun og Launatengd gjöld. Það er skortur á störfum í Rvk. Sundlaugarnar eru perlur Íslands og eitt af því helsta sem útlendingar tala um. Það er ódýrara að hafa krakka í sundlaugum heldur en að hafa þá niður í bæ að drekka (það sparar í meðferðarúrræðum)

Merkilegt að alltaf þegar á að spara í sundlaugunum er skorið aftan af opnunartímanum. Þrátt fyrir það að 6.30 opnun gerir það að verkum að starfsfólk kemst ekki til vinnu í strætó og á rétt á bótum, morgunhanarnir eru flestir ellilífsþegar sem gætu alveg eins komið aðeins seinna og borga fæstir ofaní laugina vegna aldurs. Samt er allt gert til að þóknast þeim. Þetta gengur svo langt að menn eru tilbúnir að fremja lögbrot til að gleðja gamlingjana. Í Laugardalslauginni er óblandað heitt vatn í krönum í karlaklefunum af því að einhver gamlinginn sagði að það þyrfti til að raka sig. Samhvæmt lögum má ekki vera með svona heitt vatn á stöðum sem eru opnir fyrir almenning og í raun ef einhver brennir sig á þessum vöskum þá er um (Criminal neglect) glæpsamleg vanrækslu að ræða. Ætli starfsfólki sundlauganna myndi ekki bregða ef það yrði rukkað um skaðabætur vegna brunaáverka.

Hmm... reyndar er nú ekki búið að eyða neinum helling í lagnir fyrir þennan sjópott. Það er vægast sagt ódýrt kerfið á bak við hann. Nýi potturinn (sem er væntanlegur með vorinu) hins vegar mun kosta margar margar milljónir eða milljónatugi :)

Já Sæll Kiddi, það munar ekki um ritgerðina! :) Flottur texti hér, og ég gæti ekki verið meira sammála. Sem fyrrverandi 'fastakúnni' Árbæjarkvöldopnunar get ég ekki annað en gapað eins og gúbbífiskur yfir þessari vitleysu að loka svona snemma. Við sem stunduðum að mæta þarna á kvöldin vorum ÖLL borgandi kúnnar, og sumir hverjir komu meira að segja korter í lokun, sturtuðu sig, stukku í pottinn í 5 mínútur og aftur uppúr með restinni af liðinu. Það hlýtur að vera besta mínútuinnkoma nokkurra kúnna í kerfinu. Og eins og þú segir þá er ekki nokkur einasta leið að muna hvenær fjandans laugin lokar, þannig að ég endaði með að þurfa að taka mynd á símann minn af opnunartímaskiltinu og þarf svo að skoða þá mynd í hvert skipti sem mér dettur í hug að fara að synda... og þá er yfirleitt búið að loka eða verið að loka. Og að loka klukkan 16 og 17 um helgi, þegar veðrið er gott og allir tilbúnir að fara í sund og slapp af... tóm fásinna! Hitt er svo annað mál að á síðasta föstudag var verið að prenta út teikningar af nýjum og stórglæsilegum sjópotti fyrir Laugardalslaugina. Ég vona að það sé ekki sá pottur sem þú ert að gagnrýna :D

Já það er náttúrulega fáránlegt. Sástu annars svarið frá Borgarráði varðandi opnun lauganna? Það er sparnaðarráð að loka lauginni áður en fólk kemst í hana, og fólki er bent á að fara bara í Laugardalslaug, enda sé hún opin til 22 alla daga. Þar með lauk því erindi hjá Borgarráði... yay!

Í gærkvöldi á föstudagskvöldi fór ég keyrandi í Laugardalslaug. kl 20. um kvöld enda átti að vera opið. Þá datt þeim það snjallræði í hug að loka kl.19.00 vegna viðgerða. Það var fullt af fólki sem var að snúa við í dyrunum. Það fólk var að spá í hvort það væri þá opið annarstaðar. Það stóð hvergi þarna. Enda held ég að svo sé ekki þökk sé "sparnaði" Þegar maður rekur svona þjónustufyrirtæki: Á maður að reyna af fremsta megni að hafa fyritækið vera opið samhvæmt auglýstum opnunartíma, ekki setja upp miða á dyrnar eins og í Heilubælinu. Ef svo illa vill til að það verður að loka vegna einhvers þá á að hafa opið lengur annars staðar. Þá stæði á hurðinni. Vegna viðgerða ( sem geta bara farið fram kl 19-22 ) þá er lokað í Laugardalslaug en opið er í Árbæjarlaug í staðinn til kl.22.30 við biðjumst velvirðingar ´a óþægindunum. ITR eða starfsfólk.

Það er einum vini mínum ofboðið sú vanræksla sem hefur verið sýnd á þjónustu sundlauganna. Þe. skertur opnunartími sundlauganna, skerðing á fjölda starfsmanna á vakt sem sýnir sig í því að fólk sleppur óþvegið í gegnum sturturnar og út í laugarnar. Hann er hættur að sækja laugarnar og skilaði inn korti sínu. Við höfum ekki efni á að láta sundlaugarnar visna. Við verðum að sýna þeim virðingu. Þegar ég var unglingur þá voru laugarnar opnar til 18 virka daga og 16 um helgar engar rennibrautir og meðalaldurinn 50 ára. Svo komu rennibrautir og kvöld opnanir. Það myndaðist menning sem má ekki drepa niður. Það var gerð tilraun til að hafa Laugardalslaug opna allan sólarhringinn í eina viku. Ég fór með tvo unglinga um nótt og hlustaði á krakkana segja " Pældu í því að það er örugglega engin niðrí bæ." Ætli það sé ekki hollara fyrir unglinga að veltast um í sundi frekar en að veltast um í ræsum niðrí bæ?

Ef þeir eru að prenta út stórglæsilegann sjópott niður í Laugardal þá fagna ég því. Ég var að gagnrýna það að eyða svo miklu í lagnir og setja svo þennan bala sem hefur verið sjópottur fram til þessa.

Það er auðvitað umhverfisvænt að láta borgarbúa keyra hverfa á milli til þess að komast í sund. Skítt með fólkið við skulum bara hugsa um hvað lítur vel út á pappír.

Það að lengja opnun sundlauga Reykjavíkur er svo sjálfsagt að það tekur engu tali. Það var ákveðið hjá Itr að stytta opnunartíma sundlauganna í sparnaðarskyni. Mesta skerðingin var í úthverfum en Laugardals laugin látin vera opin til 10 öll kvöld. Það áttu að sparast 40 miljónir á ári með þessu. Þá var ekki reiknað með neinni minkun á aðgangseyri enda var tilgangurinn að þykjast vera að spara. Það töpuðust mörg stöðugildi við þetta. Til þess að toppa alla vitleysuna þá var td. ákveðið að hafa 4 opnunartíma í viku í Árbæjarlaug þannig að öruggt væri að engin gæti munað hvenær lauginni lokar. Niðurstaðan er sú að margir misstu vinnuna allir sem komu þarna á kvöldin voru sviptir þeirri samveru. Sparnaðurinn skilaði sér aldrei. innan við 1% sparnaður og 20% þjónustuskerðing. Annað er að flestir sem fóru í laugarnar í úthverfunum á kvöldin fara núna í Laugardalslaugina semsagt þeir keyra helmingilengri leiðir með tilheyrandi mengun og kostnaði. Allt þetta til þess að ÍTR líti út fyrir að vera að spara.

Back to group

This content is created by the open source Your Priorities citizen engagement platform designed by the non profit Citizens Foundation

Your Priorities on GitHub

Check out the Citizens Foundation website for more information