Þar sem ég hef oft orðið vör við það að margir ökumenn virða ekki hámarkshraða í götunni og stöðva jafnvel ekki við gangbrautir væri ein lausnin að takmarka umferðina um götuna með því að gera hana að einstefnugötu á skólatíma. Þetta er t.d. gert í Reykjanesbæ þar sem Sunnubraut er einstefnugata á skólatíma.
Ég sé ekki alveg hvernig það ætti að ganga án þess að lama umferð á svæðinu eða stórauka álag á þröngar íbúagötur sem eru einstefnugötur fyrir.
Sem foreldri barns í Hlíðaskóla hef ég tekið mjög oft eftir því að margir ökumenn virða hvorki hraðatakmörk götunnar né stöðva við gangbrautir þegar börn á leið í og úr skóla reyna að komast yfir þær. Hef einnig oft tekið eftir því að oft munar ekki miklu á að slys verði þegar verið er að reyna að fara yfir gangbrautirnar því margir ökumenn hreinlega bruna bara áfram án þess að stoppa. Því væri sniðugt að gera Hamrahlíð að einstefnugötu á skólatíma til að takmarka umferðina og auka öryggi barna.
This content is created by the open source Your Priorities citizen engagement platform designed by the non profit Citizens Foundation